बारामा ८ किलो गाँजासहित एक युवती पक्राउ

काठमाडौं, २० साउन । साढे ८ किलो गाँजासहित बारामा एक जना युवती पक्राउ परेकी छन् ।

पक्राउ पर्नेमा बर्दियाको मधुवन नगरपालिका(७ बस्ने २५ वर्षीया प्रियंका श्रेष्ठ छिन् । उनलाई प्रहरी चौकी पथलैया बाराबाट खटिएको प्रहरी टोलीले आइतबार बिहान पक्राउ गरेको हो ।

जिल्ला प्रहरी कार्यालय बाराका प्रवक्ता डिएसपी प्रकाश सापकोटाले जितपुर सिमरा उपमहानगरपालिका-१ आधाभार जंगलबाट उनलाई पक्राउ गरिएको बताए ।
पक्राउ परेकी श्रेष्ठविरुद्ध लागुऔषधको कसुरमा अनुसन्धान अघि बढाइएको छ ।