चितवनकी साम्राज्ञीलाई कोलकत्तामा कास्य पदक

चितवन, १५ साउन । भारतको कोलकत्ता स्थित नेताजी इन्डोर स्टेडियममा भएको आठौं अन्तर्राष्ट्रिय कराँते च्याम्पियनसिपमा भरतपुरकी साम्राज्ञी स्नेही प्रधानले कास्य पदक प्राप्त गर्नुभएको छ । जुलाई २६ देखि २८ गतेसम्म आयोजना गरिएको प्रतियोगितामा ४५ किलो समूहमा उहाँले कास्य पदक प्राप्त गर्नुभएको हो ।

भरतपुर महानगरपालिका वडा नं. २, क्षेत्रपुर निवासी डा. मनोहर प्रधान र डा.संगीता प्रधानकी छोरी साम्राज्ञी भरतपुरको एक विद्यालयमा कक्षा ८ मा अध्ययनरत हुनुहुन्छ । उहाँ व्यक्तिगत रुपमा प्रतियोगितामा सहभागी हुनु भएको हो । उहाँले यस अघि भरतपुर मेयर कपमा पनि कास्य पदक प्राप्त गर्नुभएको छ ।