काठमाडौँ, १३ वैशाख । जेठ ३ गतेदेखि देशव्यापी प्रदर्शनको तयारीमा रहेको नेपाली कथानक चलचित्र ‘जात्रै जात्रा’को ट्रेलर सार्वजनिक गरिएको छ । केही दिन अगाडि गीत र पोस्टर सार्वजनिक गरेको ‘जात्रा’ निर्माण युनिटले शुक्रबार ट्रेलर सार्वजनिक गरेको हो । सार्वजनिक ट्रेलरमा चलचित्रका मुख्य कलाकार नै हावी देखिएका छन् । विपिन कार्की, रविन्द्रसिंह बानिया, रविन्द्र झा, दयाहाङ राई नै ट्रेलरमा देखिएका हुन् ।
चलचित्रको ८० प्रतिशत छायाङ्कन काठमाडौँमा तथा पोखरा र चितवनको सौराहामा १०/१० प्रतिशत छायाङ्कन गरिएको चलचित्रका निर्माता रवीन्द्रसिंह बानियाले जानकारी दिनुभएको छ । चलचित्र जात्राकै फम्र्याटमा तयार पारिएको जात्रैजात्राले समाजमा हुने गरेका घटनाहरुलाई उजागर गर्ने प्रयास गरेको बानियाको भनाइ छ । पूर्णरुपमा मनोरञ्जन दिने गरी निर्माण भएको चलचित्रमा लोभले लाभ र लाभले विलाप हुन्छ भन्ने सन्देश दिन खोजेको बानियाले बताउनुभयो ।
चलचित्रमा विपिन कार्की, रविन्द्रसिंह बानिया, रविन्द्र झा, दयाहाङ राई, वर्षा राउत, प्रकाश घिमिरे, राजाराम पौडेललगायत कलाकार मुख्य भूमिकामा छन् । ‘जात्रा’को सिक्वेल ‘जात्रै जात्रा’लाई प्रदीप भट्टराईले निर्देशन गर्नुभएको हो । प्रदर्शनको तयारीमा रहेको चलचित्रमा मित्र डी गुरुको सम्पादन, शङ्कर महर्जनको द्वन्द्व, कालीप्रसाद बास्कोटा, राजनराज सिवाकोटी र कृष्ण भारद्वाजको सङ्गीत रहेको छ ।
काठमाडौँ, १३ वैशाख । जेठ ३ गतेदेखि देशव्यापी प्रदर्शनको तयारीमा रहेको नेपाली कथानक चलचित्र ‘जात्रै जात्रा’को ट्रेलर सार्वजनिक गरिएको छ ।
केही दिन अगाडि गीत र पोस्टर सार्वजनिक गरेको ‘जात्रा’ निर्माण युनिटले शुक्रबार ट्रेलर सार्वजनिक गरेको हो । सार्वजनिक ट्रेलरमा चलचित्रका मुख्य कलाकार नै हावी देखिएका छन् । विपिन कार्की, रविन्द्रसिंह बानिया, रविन्द्र झा, दयाहाङ राई नै ट्रेलरमा देखिएका हुन् ।
चलचित्रको ८० प्रतिशत छायाङ्कन काठमाडौँमा तथा पोखरा र चितवनको सौराहामा १०/१० प्रतिशत छायाङ्कन गरिएको चलचित्रका निर्माता रवीन्द्रसिंह बानियाले जानकारी दिनुभएको छ । चलचित्र जात्राकै फम्र्याटमा तयार पारिएको जात्रैजात्राले समाजमा हुने गरेका घटनाहरुलाई उजागर गर्ने प्रयास गरेको बानियाको भनाइ छ । पूर्णरुपमा मनोरञ्जन दिने गरी निर्माण भएको चलचित्रमा लोभले लाभ र लाभले विलाप हुन्छ भन्ने सन्देश दिन खोजेको बानियाले बताउनुभयो ।
चलचित्रमा विपिन कार्की, रविन्द्रसिंह बानिया, रविन्द्र झा, दयाहाङ राई, वर्षा राउत, प्रकाश घिमिरे, राजाराम पौडेललगायत कलाकार मुख्य भूमिकामा छन् । ‘जात्रा’को सिक्वेल ‘जात्रै जात्रा’लाई प्रदीप भट्टराईले निर्देशन गर्नुभएको हो । प्रदर्शनको तयारीमा रहेको चलचित्रमा मित्र डी गुरुको सम्पादन, शङ्कर महर्जनको द्वन्द्व, कालीप्रसाद बास्कोटा, राजनराज सिवाकोटी र कृष्ण भारद्वाजको सङ्गीत रहेको छ ।