नवलपुरको सेहरीमा भेटियो एउटा शव

भरतपुर, ३१ असार । नवलपुरको सेहरीमा एउटा शव फेला परेको छ । नारायणगढ पूलबाट करिब ५० किमी पश्चिममा एउटा शव फेला परेको मध्यविन्दु २ का वडाध्यक्ष रामभक्त अधिकारीले जानकारी दिए । उनका अनुसार सिमलताल दुर्घटनामा परेकाको शव हुन सक्ने आशंका गरिएको छ ।

नदी किनारमा पुगेका स्थानीय नेमनारायण महतोले शव देखेपछि खबर गरेका थिए । नेपाली सेना, सशस्त्र प्रहरी, नेपाल प्रहरीसहितको टोलीले शव उठाएर भरतपुर पठाउने तयारी गरेको छ ।