चितवन । नारायणी नदी किनारमा गण्डकी, नारायणी महाआरती शुरु गरिएको छ । गण्डकी नारायणी संरक्षण महाआरती परिषद्ले यही वैशाख १ गतेदेखि हरेक साँझ सूर्यास्तको समयमा महाआरती शुरु गरेको हो ।
नारायणगढबजार नजिकै नारायणी किनारमा महाआरती शुरु गरिएको हो । परिषद्का अध्यक्ष प्रेमनिधि भारद्वाजका अनुसार शुरुमा नारायणी नदी तिरमा जलसँगै रहेर बैद्धिकमन्त्र उच्चारण गरी सङ्कल्पसहित पूजाअर्चना गर्ने गरिन्छ । त्यसलगत्तै नजिकै धार्मिक विधिअनुसार करीब ५० मिनेटसम्म आरती गरिने उहाँले बताउनुभयो । सो क्रममा आरतीसँगै मन्त्र उच्चारण गरी कलाकारद्वारा सङ्गीतमय आरती भजनकीर्तन गर्ने गरिन्छ ।
आरतीमा तीन पण्डितले चारै दिशातर्फ फर्किएर आरतीका विधि पूरा गर्ने उहाँले बताउनुभयो । आरतीले पितृमोक्षका साथै मनोकामना पूरा हुने शास्त्रीय विश्वास रहेको भारद्धाजले बताउनुभयो । उहाँका अनुसार आरतीका लागि मासिक रु एक लाख ८० हजार हाराहारी खर्च हुने अनुमान छ । हालसम्म खर्चको व्यवस्थापन परिषद्ले गर्दै आएको भए पनि यसलाई अखण्ड बनाउनका लागि दाताको भर पर्नुपर्ने देखिएको छ ।
नेपालका पशुपति र जनकपुरको गङ्गासागरमा नित्य सन्ध्या आरती हुँदै आएको छ । भारतको हरिद्वार र बनारसमा पनि नियमित आरती हुने गर्दछ । नारायणीमा शुरु गरिएको आरतीलाई सामुदायिक बनाउन स्थानीय आमा समूह एवम् सङ्घसंस्थालाई पत्राचारसमेत गरेको उहाँले बताउनुभयो । सनातन संस्कृतिको संरक्षणका साथै नदी संरक्षणका लागि महाआरती थालिएको उहाँको भनाइ छ । महाआरतीको समयमा स्थानीय भक्तजन अवलोकनका लागि ठूलो सङ्ख्यामा सहभागी हुन थालेका परिषद्ले जनाएको छ । यसले धार्मिक पर्यटन प्रवद्र्धनमा समेत टेवा पुग्ने विश्वास छ । रासस
चितवन । नारायणी नदी किनारमा गण्डकी, नारायणी महाआरती शुरु गरिएको छ । गण्डकी नारायणी संरक्षण महाआरती परिषद्ले यही वैशाख १ गतेदेखि हरेक साँझ सूर्यास्तको समयमा महाआरती शुरु गरेको हो ।
नारायणगढबजार नजिकै नारायणी किनारमा महाआरती शुरु गरिएको हो । परिषद्का अध्यक्ष प्रेमनिधि भारद्वाजका अनुसार शुरुमा नारायणी नदी तिरमा जलसँगै रहेर बैद्धिकमन्त्र उच्चारण गरी सङ्कल्पसहित पूजाअर्चना गर्ने गरिन्छ । त्यसलगत्तै नजिकै धार्मिक विधिअनुसार करीब ५० मिनेटसम्म आरती गरिने उहाँले बताउनुभयो । सो क्रममा आरतीसँगै मन्त्र उच्चारण गरी कलाकारद्वारा सङ्गीतमय आरती भजनकीर्तन गर्ने गरिन्छ ।
आरतीमा तीन पण्डितले चारै दिशातर्फ फर्किएर आरतीका विधि पूरा गर्ने उहाँले बताउनुभयो । आरतीले पितृमोक्षका साथै मनोकामना पूरा हुने शास्त्रीय विश्वास रहेको भारद्धाजले बताउनुभयो । उहाँका अनुसार आरतीका लागि मासिक रु एक लाख ८० हजार हाराहारी खर्च हुने अनुमान छ । हालसम्म खर्चको व्यवस्थापन परिषद्ले गर्दै आएको भए पनि यसलाई अखण्ड बनाउनका लागि दाताको भर पर्नुपर्ने देखिएको छ ।
नेपालका पशुपति र जनकपुरको गङ्गासागरमा नित्य सन्ध्या आरती हुँदै आएको छ । भारतको हरिद्वार र बनारसमा पनि नियमित आरती हुने गर्दछ । नारायणीमा शुरु गरिएको आरतीलाई सामुदायिक बनाउन स्थानीय आमा समूह एवम् सङ्घसंस्थालाई पत्राचारसमेत गरेको उहाँले बताउनुभयो । सनातन संस्कृतिको संरक्षणका साथै नदी संरक्षणका लागि महाआरती थालिएको उहाँको भनाइ छ । महाआरतीको समयमा स्थानीय भक्तजन अवलोकनका लागि ठूलो सङ्ख्यामा सहभागी हुन थालेका परिषद्ले जनाएको छ । यसले धार्मिक पर्यटन प्रवद्र्धनमा समेत टेवा पुग्ने विश्वास छ । रासस