अर्किड उद्‌घोषण ताराको उपाधि ग्रिनल्याण्ड स्कूललाई

भरतपुर, २४ माघ । भरतपुर महानगरपालिका वडा नं. १० स्थित अर्किड माविद्वारा १३ औं वार्षिकोत्सवका अवसरमा आयोजित सप्ताहव्यापी अन्तरविद्यालय प्रतियोगिताको प्रारम्भिक प्रतियोगिता अन्तर्गत अर्किड उद्‌घोषण तारा २०८० को उपाधि भरतपुर १२ को ग्रिनल्याण्ड विद्यालयले प्राप्त गरेको छ ।

त्यसैगरि प्रतियोगीतामा द्वितीय उपाधि लिटिल फ्लावर नारायणगढ, तृतीय उपाधि स्काइराइडर स्कुल रत्ननगर र सान्त्वना उपाधि सनराइज मावि भरतपुरले प्राप्त गरेका छन् । प्रतियोगितामा विजयी सबैलाइ पदक र ट्रफीसँगै सहभागिलाई प्रमाणपत्र विद्यालयका कार्यकारी निर्देशक आकाश पौडेलले प्रदान गर्नुभयो। निराजन घिमिरे र तारा न्यौपाने निर्णायक हुनुहुन्थ्यो । कार्यक्रमलार्इ उपासना कँडेल र प्रेजिया कार्कीले सहजीकरण गर्नुभएको थियो ।

उक्त अवसरमा ‘अर्किड उद्‌घोषण तारा’ अर्किड माविको मौलिक कार्यक्रम रहेको जनाइएको थियो । कार्यक्रम संयोजक एवं अतिरिक्त क्रियाकलाप विभाग प्रमुख प्रतिक्षा श्रेष्ठका अनुसार वार्षिकोत्सवको पूर्वसन्ध्यामा विद्यालयले सदाझै सप्ताहव्यापी रूपमा अन्तरमावि उद्‌घोषण तारा, साइकल दौड प्रतियोगिता, हाजिरजवाफ, कला सामाग्री र क्वाड च्याम्पियन कार्यक्रम राखेको जानकारी गराउनुभयो ।