आँखा पाक्ने रोग फैलिएपछि खैरहनीका विद्यालय क्याम्पस बन्द

चितवन, १९ साउन । बालबालिकामा आँखा पाक्ने समस्या वढ्दै गए पछि चितवनको खैरहनी नगरपालिकाले क्याम्पस र विद्यालय बन्द गरेको छ । साउन २१ र २२ गते दुई दिन पालिका भित्र रहेका विद्यालय र क्याम्पसहरु वन्द गरिएको हो ।

नगर शिक्षा अधिकारी राजु बानियाका अनुसार पछिल्लो समय बालबालिकाहरुमा आँखा पाक्ने समस्या देखिन थालेपछि विद्यालय र क्याम्पस बन्द गरिएको हो । सामुदायीक विद्यालयमा परीक्षा सकिएर वर्षे विदा भएकाले संस्थागत विद्यालय र क्याम्पसहरु बन्द गरिएको उहाँले जानकारी दिनुभयो ।

बिद्यालय आउने विद्यार्थीमध्ये ४० प्रतिशतमा आँखा पक्ने समसया देखिए पछि विद्यालय बन्द गरिएको उहाँको । उहाँले भन्नुभयो “अहिले गरिएको बिदा विद्यालयले हिउँदे र बर्से बिदाबाट कट्टा हुने गरी गरिएको छ ।”

पालिकामा सामुदायीक विद्यालय २७ वटा, संस्थागत बिद्यालय २२ वटा र क्याम्पस ४ वटा रहेका छन् । यहाँ १७ हजार ५ सय विद्यार्थी अध्ययन गर्दै आएका छन्