लम्पी स्कीनबाट ९ हजार बढी पशु मरे, ७३ जिल्लामा फैलियो
न्युजभित्तो/३२ जेष्ठ २०८०, बिहीबार ११:२५
काठमाण्डौं,३२ जेठ । पशुमा लाग्ने लम्पी स्कीन रोग देशका ७३ जिल्लामा फैलिएको छ । पशु सेवा विभागका अनुसार गत माघदेखि अहिलेसम्म यस रोगबाट ९ हजार ४१० पशु मरेका छन् ।मर्नेमा गाई, गोरु र भैँसी छन् ।
गर्मीयाम सुरु भएलगत्तै देशभर गाईभैँसीमा लम्पी स्कीन रोगको प्रकोप व्यापकरूपमा फैलिएको छ ।
गत माघ महिनामा पहिलो पटक झापामा यो रोग देखा परेको विभागले जनाएको छ । अहिलेसम्म ३ लाख ५५ हजार ६९८ पशु लम्की स्कीनबाट संक्रमित भएको पुष्टि भएको छ।विभागका अनुसार अझै थुप्रै ठाउँबाट यकीन विवरण आउन सकेको छैन।
यस रोगबाट सबैभन्दा बढी कर्णाली प्रदेशमा ४ हजार ७७५ पशु मरेका छन् । सुदूरपश्चिममा २ हजार ७४७, कोशीमा १ हजार १३२, गण्डकीमा ३३०, बाग्मतीमा २८१, लुम्बिनीमा ११०, मधेसमा ३५ पशु मरेको विभागको तथ्याङ्क छ ।
गर्मी बढेसँगै यो रोग अझै फैलिनेक्रममा रहेको पनि विभागले जनाएको छ।
विभागका वरिष्ठ पशु चिकित्सक मुकुल उपाध्यायका अनुसार लम्पी स्कीन रोग पक्सभाइरिडिइ जातको क्याप्रिपक्स भाइरसका कारण हुन्छ । यो पशुमा अत्याधिक सङ्क्रमण गराउने खालको हुन्छ । यसले पशुमा दूध उत्पादनमा कमी हुने, गर्भ तुहाउने, बाँझोपना हुने, छालाको गुणस्तर घटाउने र मृत्युसम्म गराउने गर्छ।
यो रोग भैँसीको तुलनामा गाई र गोरुमा धेरै देखापरेको छ । फैलिनेक्रममा रहेकाले नियन्त्रणमा चुनौती थपिएको छ।
पशुमा १०५.८ डिग्री फरेनहाइटसम्म ज्वरो आउने, छालामा एकदेखि पाँच सेमीसम्म वा अझै ठूलो विमिरा देखापर्ने, मुख, नाकको फोरा वरिपरि, पुच्छर, अण्डकोष, फाँचो वरिपरि समेत दुख्ने खालका गाँठोहरू देखिने, लङ्डोपना, थुनेलो हुने, बाली नजाने, गर्भ तुहिने जस्ता लक्षणहरू देखिन्छन् ।
काठमाण्डौं,३२ जेठ । पशुमा लाग्ने लम्पी स्कीन रोग देशका ७३ जिल्लामा फैलिएको छ । पशु सेवा विभागका अनुसार गत माघदेखि अहिलेसम्म यस रोगबाट ९ हजार ४१० पशु मरेका छन् ।मर्नेमा गाई, गोरु र भैँसी छन् ।
गर्मीयाम सुरु भएलगत्तै देशभर गाईभैँसीमा लम्पी स्कीन रोगको प्रकोप व्यापकरूपमा फैलिएको छ ।
गत माघ महिनामा पहिलो पटक झापामा यो रोग देखा परेको विभागले जनाएको छ । अहिलेसम्म ३ लाख ५५ हजार ६९८ पशु लम्की स्कीनबाट संक्रमित भएको पुष्टि भएको छ।विभागका अनुसार अझै थुप्रै ठाउँबाट यकीन विवरण आउन सकेको छैन।
यस रोगबाट सबैभन्दा बढी कर्णाली प्रदेशमा ४ हजार ७७५ पशु मरेका छन् । सुदूरपश्चिममा २ हजार ७४७, कोशीमा १ हजार १३२, गण्डकीमा ३३०, बाग्मतीमा २८१, लुम्बिनीमा ११०, मधेसमा ३५ पशु मरेको विभागको तथ्याङ्क छ ।
गर्मी बढेसँगै यो रोग अझै फैलिनेक्रममा रहेको पनि विभागले जनाएको छ।
विभागका वरिष्ठ पशु चिकित्सक मुकुल उपाध्यायका अनुसार लम्पी स्कीन रोग पक्सभाइरिडिइ जातको क्याप्रिपक्स भाइरसका कारण हुन्छ । यो पशुमा अत्याधिक सङ्क्रमण गराउने खालको हुन्छ । यसले पशुमा दूध उत्पादनमा कमी हुने, गर्भ तुहाउने, बाँझोपना हुने, छालाको गुणस्तर घटाउने र मृत्युसम्म गराउने गर्छ।
यो रोग भैँसीको तुलनामा गाई र गोरुमा धेरै देखापरेको छ । फैलिनेक्रममा रहेकाले नियन्त्रणमा चुनौती थपिएको छ।
पशुमा १०५.८ डिग्री फरेनहाइटसम्म ज्वरो आउने, छालामा एकदेखि पाँच सेमीसम्म वा अझै ठूलो विमिरा देखापर्ने, मुख, नाकको फोरा वरिपरि, पुच्छर, अण्डकोष, फाँचो वरिपरि समेत दुख्ने खालका गाँठोहरू देखिने, लङ्डोपना, थुनेलो हुने, बाली नजाने, गर्भ तुहिने जस्ता लक्षणहरू देखिन्छन् ।