नारायणगढ–मुग्लिन सडक खण्डमा ढिडोसहितको नेपाली खाना खुवाउने ‘सोल्टी भिलेज एण्ड रिभरभ्यु रेष्टुरेण्ट’

चितवन, २९ वैशाख । मुग्लिन–नारायणगढ सडक टिपिकल नेपाली खाना सहित ढिडो खुवाउने गरी सोल्टी भिलेज एण्ड रिभरभ्यु रेष्टुरेण्ट सञ्चालनमा आएको छ । ईच्छाकामना गाउँपालिका वडा नं. ६ पाँच किलो स्थित राजमार्गसँगै रेष्टुरेण्ट सञ्चालनमा आएको हो ।

यो राजमार्ग हुँदै यात्रा गर्नेले लोकल कुखुराको मासु, त्रिशुलीको लोकल माछा सहित नेपाली टिपिकल खाना र ढिंडो खान पाईने भएको छ । रेष्टुरेढटमा नेपाली टिपिकल खाना पाईने संचालक चित्र सोल्टी गुरुङले बताउनुभयो । होटल संचालक गुरुङका अनुसार होटलमा नेपाली खाना सेट दालभात तरकारी अचारका साथै कोदो र मकैको ढिंडो खान पाईन्छ । सिस्नो पनि हप्तामा एक दिन खान पाईने उहाँले जानकारी दिनुभयो ।

त्रिशुलीको माछा, बफ सुकुटी, सेकुवा लगायत स्थानी उत्पादनको स्वाद रेष्टुरेन्टमा पाईने उहाँको भनाई छ । रेष्टुरेण्टमा बसेर त्रिशुली नदीको सुन्दर दृश्यहरु हेर्दै आनन्दले खाना खान सकिने गुरुङको भनाई छ । रेष्टुरेण्टमा स्थानीय कृषि उत्पादनहरु मह, बोडी, मासको दाल, बेसार लगायतका वस्तुहरु समेत कोसेलीको रुपमा खरिद गरि लैजाने व्यवस्था गरिने उहाँले बताउनुभयो ।