रवि लामिछानेको जीत निश्चित,गन्न बाँकी मतभन्दा लामिछानेको मतान्तर बढी

चितवन, १२ वैशाख । चितवन क्षेत्र नम्बर २ मा भएको प्रतिनिधि सभा सदस्य उपनिर्वाचनमा राष्ट्रिय स्वतन्त्र पार्टीका सभापति रवि लामिछानेको जीत निश्चित भएको छ। निर्वाचन आयोगका अनुसार मंगलबार बिहानसम्म ५६ हजार ५ सय ७ मत गणना हुँदा लामिछानेले ४० हजार ६९ मत पाउनु भएको छ । उहाँका प्रतिस्पर्धी नेपाली कांग्रेसका जितनारायण श्रेष्ठको मत ७४५७ छ। उहाँहरूबीचको मतान्तर ३२६१२ छ।

चितवन–२ मा आइतबार भएको निर्वाचनमा ७८२७७ मत खसेको थियो। अब गन्न बाँकी कालिका नगरपालिकाको मत झण्डै २२ हजार मात्र छ।