सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

भरतपुरमा न्याम्सको आङ्गिक शिक्षण अस्पताल हुने


  •    न्युजभित्तो/१५ चैत्र २०७९, बुधबार १२:३१ 
  • चितवन,१५ चैत । भरतपुर अस्पताल चिकित्सा विज्ञान राष्ट्रिय प्रतिष्ठान (न्याम्स) को आङ्गिक शिक्षण अस्पताल हुने भएको छ । मन्त्रिपरिषद्को चैत १० गतेको बैठकले सो निर्णय गरेको हो ।
    भरतपुर महानगरपालिकाकी प्रमुख रेनु दाहालले विगत लामो समयदेखि गरिएको प्रयासपछि प्रधानमन्त्री पुष्पकमल दाहाल ‘प्रचण्ड’को सकारात्मक पहलमा भरतपुर अस्पताललाई न्याम्सको आङ्गिक शिक्षण अस्पताल बनाउन सकिएको बताउनुभयो । “यसले अस्पतालको गुणस्तर बढाउनुका साथै भरतपुरलाई मेडिकल सिटी बनाउनसमेत सहयोग गर्ने छ । यहाँबाट विद्यार्थीले अध्ययन गर्न पनि पाउने छन्”, उहाँले भन्नुभयो ।

    गतवर्ष अस्पतालको वार्षिकोत्सव कार्यक्रममा प्रधानमन्त्री दाहालले अस्पताललाई मेडिकल कलेज बनाउन पहल गर्ने बताउनुभएको थियो । मन्त्रीपरिषद्को उक्त निर्णयसँगै बिरामीले २४ सैँ घण्टा गुणस्तरीय स्वास्थ्य सेवा पाउने भएका छन् ।

    भरतपुर अस्पतालका प्रमुख मेडिकल सुपरिटेण्डेण्ट प्रा डा कृष्णप्रसाद पौडेलले अहिले पनि न्याम्सका कार्यक्रम आंशिक रुपमा सञ्चालन हुँदै आएको बताउँदै अब आङ्गिक बनेसँगै सबै कार्यक्रम पूर्णकालीन सञ्चालन हुने जानकारी दिनुभयो । उहाँले भन्नुभयो “न्याम्ससँग पूर्णकालीन गर्ने यसअघि सम्झौता भइसकेको छ । मन्त्रीपरिषद्को यो निर्णयसँगै एमडि एमएसका कार्यक्रम धेरै र लामो समयसम्मका लागि आउँछन् । यहाँका चिकित्सकलाई प्राध्यापनको अनुमति दिनुपर्छ”, उहाँले भन्नुभयो ।

    अस्पतालका निवर्तमान अध्यक्ष डा भोजराज अधिकारीले सबैको अथक मेहनतका साथ भरतपुर अस्पताललाई शिक्षण अस्पतालको रूपमा विकास गर्न सम्भव भएको बताउनुभयो । उहाँले भन्नुभयो, “१२ वर्ष अघिदेखिको सपना पूरा भएकोमा हर्षित छु । हामी सबै मिलेर सरकारको यो ऐतिहासिक निर्णयलाई कार्यान्वयन गरी मेडिकल सिटी बनाउन थप योगदान गरौँ ।”

    भरतपुर अस्पताल अहिले केन्द्रीय अस्पतालको रूपमा सञ्चालनमा छ । शिक्षण अस्पताल बनाउन माग गर्दै वर्तमान अस्पताल विकास समितिका अध्यक्ष राजु पौडेल, प्रमुख मेडिकल सुपरिटेण्डेण्ट प्रा डा पौडेल, निवर्तमान अध्यक्ष डा अधिकारीलगायतको टोलीले केही दिन पहिले प्रधानमन्त्री दाहाललाई बालुवाटारमा भेट गरेका थिए । अस्पतालका अध्यक्ष पौडेलले शिक्षण अस्पताल बनेसँगै एमडी÷एमएससहित विभिन्न विधामा अध्यापन गराइ नेपालकै उत्कृष्ट अस्पताल बनाउने सपना रहेको बताउनुभयो । उहाँले शिक्षण अस्पताल बनाउन सहमति दिएकोमा सरकारलाई विशेष धन्यवाद दिनुभयो ।
    भरतपुर अस्पतालमा २० भन्दा बढी जिल्लाबाट बिरामी उपचारका लागि आउने गर्दछन् । यो अस्पताल राजधानी बाहिरको नमुना अस्पतालको रूपमा विकास हुँदै गएको छ । शिक्षण अस्पताल बनेसँगै चिकित्सक विज्ञानमा स्नातकोत्तर अध्ययन गर्नेहरुले २४ घण्टा बिरामीको सेवा गर्नेछन् । रासस

    तपाईको प्रतिक्रिया

    ताजा अपडेट

    भरतपुरमा छ स्थानमा खानेपानीका ‘ओभरहेड ट्याङ्की’ निर्माण गरिँदै
    प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव
    आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    • दसैँ–तिहारपछि भरतपुर अस्पतालमा बिरामीको चाप
    • टेन्ट टाँगेर आफ्नै थातथलो फर्किए टिमुरेका बाढीपीडित
    • दूरसञ्चार सेवा प्रदायकलाई जरिवाना र ब्याज मिनाहाको सुविधा
    • धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.