गोविन्दको आक्रमणमा परी निकुञ्ज घुम्न आएका ईजरायली पर्यटकको मृत्यु

चितवन, १२ फागुन । चितवन राष्ट्रिय निकुञ्जको प्रवेशद्वारा पर्यटकीय नगरी सौराहामा आज मध्यान्ह जंगली हात्तीको आक्रमणमा परी ईजरायली नागरिकको मृत्यु भएको छ । मृत्यु हुनेमा ३० वर्षिय समुएल बोईकानर रहेका छन् ।

पूर्वी चितवनको रत्ननगर नगरपालिका वडा नम्बर ६ हात्तीसार नजिक जंगली हात्ती गोबिन्देको आक्रणबाट उनको मृत्यु भएको चितवन प्रहरीले जनाएको छ । निकुञ्जमा ध्रुवे, गोविन्दे, नानापाठेघर जस्ना नामले चिनिने आक्रामक मत्ता हात्ती रहेका छन् ।

ढुंग्रे खोला छेउमा हात्तीले आक्रमण गरेको हो । घटना १२ः२० बजेको हो । योसँगै चालू आर्थिक वर्षमा चितवन राष्ट्रिय निकुञ्ज र आसपासका क्षेत्रमा जंगली जनावरको आक्रमणबाट ६ जनाको मृत्यु भएको छ । जस मध्य बाघको आक्रमणबाट १ जना, हात्तीको आक्रमणबाट २ जना र गैंडाको आक्रमणबाट ३ जनाको मृत्यु भएको निकुञ्जले जनाएको छ ।

(सांकेतिक तस्वीर)