मंगलपुर सहकारीको समीक्षा तथा अभिमुखीकरण

भरतपुर, २१ माघ । मंगलपुर बचत तथा ऋण सहकारी संस्थाले आफ्नो संस्थाले सञ्चालन गरेको कार्यक्रमको समीक्षा गरेको छ । संस्थाले आज शनिबार एक कार्यक्रम आयोजना गरी चालू आर्थिक वर्षको छ महिनाको कार्यक्रमको समीक्षा गरेको हो ।

संस्थाकै कार्यालयमा भएको कार्यक्रममा संस्थाका सदस्यहरुलाई सहकारी र यसको सेवा, कार्य प्रक्रिया लगायतको बारेमा अभिमुखीकरण पनि दिएको थियो ।कार्यक्रमको उद्घाटन सत्रमा संस्थाका संस्थापक उपाध्यक्ष तथा गोरखा जिल्लाका मुख्य न्यायाधीश तेजेन्द्र सापकोटा प्रमुख अतिथि हुनुहुन्थ्यो ।

उक्त कार्यक्रममा सदस्यहरुले संस्थाको गतिविधिबारे प्रश्न तथा छलफल गरेको संस्थाका व्यवस्थापक रामजी घिमिरेले जानकारी दिनुभयो । कार्यक्रम संस्थाका अध्यक्ष बाबुराम परियारको अध्यक्षतामा सम्पन्न भएको हो ।