प्याब्सन भरतपुरको साधारण सभामा विभिन्न व्यक्तित्वहरु सम्मानित

भरतपुर १७ मंसिर। निजी तथा आवासीय विद्यालय अर्गनाइजेसन नेपाल (प्याब्सन) भरतपुर महानगरपालिकाको पाँचौं वार्षिक साधारण सभा शनिवार भरतपुरमा सम्पन्न भएको छ ।

साधारण सभाको उद्घाटन समारोहमा एउटै संस्थागत विद्यालयमा लगातार २० वर्षभन्दा बढी सेवा गर्ने प्राचार्य, सह-प्राचार्य र निर्देशकहरुलाई सम्मान गरिएको थियो ।

साधारण सभाको उद्घाटन गर्दै प्रमुख अतिथि निजी तथा आवासीय विद्यालय अर्गनाइजेसन नेपाल ( प्याब्सन) का केन्द्रीय सदस्य मोहन लामाले संस्थागत विद्यालयमा विभिन्न चुनौतिहरु थपिएको हुनाले आफ्ना कमजोरीहरू हटाएर समयको मागसँगै एकताबद्ध भएर अगाडि बढ्नुपर्ने इआवश्यकता औंल्याउँनुभयो ।

निजी तथा आवासीय विद्यालय अर्गनाइजेसन नेपाल ( प्याब्सन) भरतपुर महानगरपालिकाका अध्यक्ष लेखनाथ खनालको अध्यक्षतामा सम्पन्न साधारण सभाको उद्घाटन समारोहमा प्याब्सन चितवनका अध्यक्ष कीर्तिनिधि अर्याल, प्याब्सन भरतपुरका सल्लाहकार श्रीप्रसाद ढुङ्गाना, प्राचार्यहरुको तर्फबाट दयानिधि अर्याल, इष्टुका केन्द्रीय सदस्य जनकराज घिमिरे , संस्थागत विद्यालय अभिभावक संघ, भरतपुर महानगरपालिकाका अध्यक्ष भोजराज न्यौपाने लगायतले शुभकामना मन्तव्य व्यक्त गर्नुभएको थियो ।

साधारण सभामा मेट्रो प्याब्सनका उपाध्यक्ष इन्द्रेश शाहले स्वागत मन्तव्य व्यक्त गर्नुभएको थियो भने कार्यक्रमको सञ्चालन सचिव मीनराज बस्तकोटीले गर्नुभएको थियो।