सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

विपन्नलाई सहयोग गर्न भरतपुर १२ वडा कार्यालयमै दानपेटिका


  •    न्युजभित्तो/१० भाद्र २०७९, शुक्रबार १५:३१ 
  • चितवन, १० भदौ । वडामा रहेका आर्थिक रुपमा विपन्न र असहायलाई सहयोग गर्न वडा कार्यालयमै दानपेटिका राखिएको छ । भरतपुर महानगरपालिका वडा नं. १२ को कार्यालयमा दानपेटिका राखिएको हो । जिल्लामा समाजसेवामा परिचित वडा अध्यक्ष हरि पन्तले धनीसँग सहयोग जुटाएर गरिबलाई राहत दिन दानपेटिका राख्नु भएको हो ।

    त्यसो त पन्त स्वयं गरिब, असहायहरुका लागि चिनिएको दाता हुनुहुन्छ । वर्षेनी लाखौं रुपैयाँ उहाँले दानमा खर्च गर्नुहुन्छ । उहाँले वडाअध्यक्ष वापत पाउने सबै सुविधा गरिब, असहायका लागि दान गर्दै आउनु भएको छ । आफूले मात्रै नभएर वडाका मन भएका धनीहरुलाई गरिब असहायको सहयोगी बनाउन दान पेटिका राखिएको उहाँले बताउनुभयो । उहाँले भन्नुभयो “तीज लागेपछि मात्रै मैले पाँच लाख रुपैयाँ दिदीबहिनीहरुलाई सहयोग गरिसकेँ ।”

    दान पेटिकाको रकम भने सर्वदलीय समितिले निर्णय गरेर असहाय, गरिबहरुलाई मात्रै सहयोग गर्ने उहाँको भनाई छ । त्यसो त यसै महिना सतगत र क्रिया खर्च भएका दुई परिवारलाई आफैले खर्च दिएको उहाँले बताउनुभयो । उहाँले भन्नुभयो “दिनहुँ वडामा सहयोग माग्नेहरु आउनुहुन्छ, सहयोग गर्ने वडाको बजेट हुँदैन । सहयोग आवश्यक पर्नेलाई सहयोग पु¥याउन दान पेटिका राखेका हौं ।”

    यस्तो सहयोग लिन भने वडावासी नै हुनुपर्ने नियम रहेको छ । वडा अध्यक्ष पन्तको संयोजकत्वमा सबै दलका प्रतिनिधि रहेको सर्वदलीय समितिले निर्णय गरेपछि यस्तो सहयोग दिने गरिएको छ । समाजसेवी नारायण सिंह कुँवरले नगद पाँच हजार पाँच रुपैयाँ राखेर शुरु गरिएको दान पेटिकामा पहिलो महिनामा नै करिब ७० हजार रुपैयाँ जम्मा भएको छ ।

    गरिब, विपन्न तथा असाहय साथै न्यून आयस्रोत भएका घर परिवारलाई सहज होस् भन्ने उद्देश्यले दान पेटीकाको स्थापना गरिएको अध्यक्ष पन्त बताउनुहुन्छ । अध्यक्ष पन्तले भरतपुरको जागृतिचोकमा रहेको हिमालयन निमाविलाई २१ लाख, बाग्लुङको मुलपानीमा रहेको विद्यालयलाई १५ लाख, भरतपुर ११ को गणेशधामलाई १५ लाख रुपैयाँ लगायत विभिन्न ठाउँमा आर्थिक सहयोग गर्दै आउनु भएको छ । उहाँले एक चेपाङ छात्रालाई नर्सिङ पढाईको सम्पूर्ण खर्च व्यहोर्नु भएको थियो ।

    दान गर्दा आत्मसन्तुष्टि मिल्ने बताउँदै उहाँले आमा समूह, क्लब, मठमन्दिर लगायत पढ्न नपाएका, खान नपाएका, काजक्रिया खर्च गर्न नसकेकाहरुलाई सहयोग गर्दै आउनु भएको छ ।

    तपाईको प्रतिक्रिया

    ताजा अपडेट

    भरतपुरमा छ स्थानमा खानेपानीका ‘ओभरहेड ट्याङ्की’ निर्माण गरिँदै
    प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव
    आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    • दसैँ–तिहारपछि भरतपुर अस्पतालमा बिरामीको चाप
    • टेन्ट टाँगेर आफ्नै थातथलो फर्किए टिमुरेका बाढीपीडित
    • दूरसञ्चार सेवा प्रदायकलाई जरिवाना र ब्याज मिनाहाको सुविधा
    • धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.