एमालेको केन्द्रीय कमिटी बैठक जारी, अध्यक्ष र महासचिवकाे प्रतिवेदनमाथि छलफल

काठमाडाैँ,१० चैत्र । नेकपा एमालेको केन्द्रीय कमिटी बैठक आज पनि जारी छ । बुधबारदेखि सुरू भएको बैठकमा आज अध्यक्ष केपी शर्मा ओली र महासचिव शंकर पोखरेलको प्रतिवेदनमाथि छलफल गरिँदै छ ।

बुधबार अध्यक्ष केपी शर्मा ओलीको राजनीतिक र महासचिव शंकर पोखरेलको सांगठनिक प्रतिवेदन बैठकमा पेश भएकाे थियाे । बबरमहलस्थित कार्की ब्याङ्केटमा जारी बैठकमा स्थानीय तहको निर्वाचन लक्षित अन्तक्रिया समेत भइरहेका छन् । त्यस्तै ओलीले पेश गरेको राजनीतिक प्रतिवेदन पनि स्थानीय तह निर्वाचन केन्द्रित रहेको बताइएकाे छ ।

अध्यक्ष ओलीले स्थानीय तहको निर्वाचनलाई जनमतसंग्रहका रूपमा हेरिएको उल्लेख गरेका छन् । आसन्न निर्वाचनलाई जनादेश र परमादेशबीचको जनमतसंग्रह भएको बताउँदै आएका छन् । एमालेलाई सातै प्रदेशका अध्यक्षहरुले रिपोटिङ गरिसकेको र पार्टी विभाजनले त्यति असर नपरेको निष्कर्ष निकालेका छन् । यही केन्द्रीय कमिटी बैठकले स्थानीय तहको निर्वाचनमा जान निर्वाचन घोषणापत्र, उम्मेदवार चयन मापदण्ड लगायतका ११ कार्यसूची तोकिएको छ ।