ओलीको ठोकुवा – ‘केही छिटफुट स्थानीय तह बाहेक प्रदेश र केन्द्र सरकार एमालेकै हुन्छ’
न्युजभित्तो/७ चैत्र २०७८, सोमबार १३:३५
काठमाडौं,७ चैत्र । नेकपा एमाले अध्यक्ष केपी शर्मा ओलीले आगामी निर्वाचनपछि तीनै तहको सरकार एमालेले बनाउने दाबी गरेका छन् ।
स्थानीय तहको निर्वाचन केन्द्रित पोलिट ब्यूरो बैठक यतिबेला बबरमहलस्थित कार्की बैंक्वेटमा बसिरहेको छ । उक्त बैठकमा बोल्दै अध्यक्ष ओलीले सबै स्थानीय, प्रदेश र केन्द्रको सरकार एमालेले नै बनाउने दाबी गरे ।
‘चुनावपछि एमालेले तीनै तहका सरकार बनाउछ। तर स्थानीय तहमा भने छिटपुट ठाउँमा आफूहरूको सरकार बन्न सक्दैन । तर हामी जिम्मेवार भएर लाग्नुपर्छ,’ अध्यक्ष ओलीले भने ।
बैठकमा सम्बोधन गर्दै अध्यक्ष ओलीले गठबन्धन सरकारले कलात्मक ढंगले स्थानीय तहको निर्वाचन सार्न खोजेको पनि आरोप लगाएका छन् ।
‘अहिले पनि कलात्मक ढंगले निर्वाचन सार्ने प्रयास भइरहेको छ । निर्वाचन आयोगका आयुक्तहरुको नियुक्ति बदर गरिदियो भने निर्वाचन हुदैन भन्ने परामर्श भइरहेको छ’, ओलीले भने ।
निर्वाचन आयोगका आयुक्तहरुलाई भन्न लागाएर निर्वाचन सार्ने प्रयास भइरहेको अध्यक्ष ओलीको दाबी छ । दुई आयुक्तहलाई भन्न लगाएर भएपनि सार्न खोजिएको भन्दै उनले भने, ‘दुई आयुक्तले मात्रै निर्वाचन सम्भव हुदैन भन्दिनुपर्यो भन्नेसम्मका कुरा भइरहेका छन्। जो गठबन्धनका दलहरुले भनिरहेको छन्।’
काठमाडौं,७ चैत्र । नेकपा एमाले अध्यक्ष केपी शर्मा ओलीले आगामी निर्वाचनपछि तीनै तहको सरकार एमालेले बनाउने दाबी गरेका छन् ।
स्थानीय तहको निर्वाचन केन्द्रित पोलिट ब्यूरो बैठक यतिबेला बबरमहलस्थित कार्की बैंक्वेटमा बसिरहेको छ । उक्त बैठकमा बोल्दै अध्यक्ष ओलीले सबै स्थानीय, प्रदेश र केन्द्रको सरकार एमालेले नै बनाउने दाबी गरे ।
‘चुनावपछि एमालेले तीनै तहका सरकार बनाउछ। तर स्थानीय तहमा भने छिटपुट ठाउँमा आफूहरूको सरकार बन्न सक्दैन । तर हामी जिम्मेवार भएर लाग्नुपर्छ,’ अध्यक्ष ओलीले भने ।
बैठकमा सम्बोधन गर्दै अध्यक्ष ओलीले गठबन्धन सरकारले कलात्मक ढंगले स्थानीय तहको निर्वाचन सार्न खोजेको पनि आरोप लगाएका छन् ।
‘अहिले पनि कलात्मक ढंगले निर्वाचन सार्ने प्रयास भइरहेको छ । निर्वाचन आयोगका आयुक्तहरुको नियुक्ति बदर गरिदियो भने निर्वाचन हुदैन भन्ने परामर्श भइरहेको छ’, ओलीले भने ।
निर्वाचन आयोगका आयुक्तहरुलाई भन्न लागाएर निर्वाचन सार्ने प्रयास भइरहेको अध्यक्ष ओलीको दाबी छ । दुई आयुक्तहलाई भन्न लगाएर भएपनि सार्न खोजिएको भन्दै उनले भने, ‘दुई आयुक्तले मात्रै निर्वाचन सम्भव हुदैन भन्दिनुपर्यो भन्नेसम्मका कुरा भइरहेका छन्। जो गठबन्धनका दलहरुले भनिरहेको छन्।’