नेपाली कांग्रेस चितवनको सभापतिमा राजेश्वर खनाल र मिलनबाबु दोस्रो चरणमा

चितवन, २१ फागुन । नेपाली कांग्रेस चितवनको सभापति पदमा राजेश्वर खनाल र मिलनबाबु श्रेष्ठबीच दोस्रो चरणको निर्वाचन हुने भएको छ । हिजो भएको मतदानमा खनाल र श्रेष्ले सर्वाधिक धेरै मत ल्याउनु भएको हो ।

प्राप्त मत परिणाम अनुसार खनालले ७४६, श्रेष्ठले ६६२ मत प्राप्त गर्नुभयो । यसैगरी उत्तम जोशीले ४७२, सूर्यकान्त घिमिरेले ४२६ र कैलाश कोइरालाले ४१२ मत प्राप्त गर्नुभएको छ । १०२ मत बदर भएको छ ।

२ हजार ९४५ मतदाता रहेकोमा २ हजार ८२० मत खसेको थियो । कुनै पनि उम्मेदवारले पहिलो चरणमा ५० प्रतिशतभन्दा बढी मत ल्याउन नसकेपछि सर्वाधिक धेरै मत ल्याउने दुई जनाबीच पुनः मतदान हुन लागेको हो । आज दउँसो पुनः मतदान हुनेछ ।