दुई सय वढि बिद्यार्थीलाई न्यानो कपडा बितरण

चितवनः राष्ट्रिय माध्यामिक बिद्यालय तोरीखेतमा अध्ययनरत २ सय ४० जना बिद्यार्थीहरुलाई न्यानो कपडा बितरण गरिएको छ । बागमती प्रदेशका उद्योग वाणिज्य तथा आपूर्ती मन्त्री मिलन बाबु श्रेष्ठले न्यानो कपडा बितरण गनुभएको हो ।
नेपाली काँग्रेस बागमती प्रदेश कार्यसमिति सदस्य निर्मला पण्डीत र नेपाली काँग्रेस भरतपुर महानगरपालिका बडा नम्बर ७ का सभापति बिनोद ढकालको सहयोगमा सो सामाग्री हस्तान्तरण गरिएको हो । बिद्यालय व्यवस्थापन समितिका अध्यक्ष हरीशरण पौडेलको अध्यक्षतामा भएको सो कार्यक्रममा जिल्ला समन्वय समिति चितवनकी उपप्रमुख मुना कुमारी श्रेष्ठ, भरतपुर महानगरपालिका वडा नम्बर ५ का अध्यक्ष पदमपाणी सुवेदी, बिद्यालयका प्रध्यानाध्यापक करुणखर पण्डीत, हेमरत्न घिमिरे, बिष्णु खनिया लगाएतको उपस्थिति रहेको थियो ।
न्यानो कपडा बितरण गर्दै मन्त्री श्रेष्ठले जाडो समयमा बालबालिकालाई चिसोबाट बचाउन सके उनीहरुको भबिश्य उज्वल वनाउन सकिने बताउनु भयो । बालबालिका भोलिको देशको भबिश्य निर्माता रहेको भन्दै उहाँले उनीहरुको सुरक्षा र स्वास्थ्यमा ध्यान दिन जरुरी रहेको बताउनुभयो ।