सिके राउतका कार्यकर्ताद्वारा मेयरको गाडी तोडफोड, १८ सेल अश्रुग्यास प्रहार
न्युजभित्तो/१२ माघ २०७८, बुधबार १२:१२
जनकपुर, १२ माघ । सिके राउत नेतृत्वको जनमत पार्टीका कार्यकर्ताले सर्लाही हरिवन नगरपालिकाका मेयर गणेश प्रसाद प्रसाईं चढ्ने गाडी नियन्त्रणमा लिएर तोडफोड गरेका छन् ।
जनकपुरधाममा भइरहेको राष्ट्रियसभा सदस्यको निर्वाचनमा मतदान गर्न पुगेका मेयर प्रसाईको प्रदेश २–०३००१ झ ००२० नम्बरको गाडी सिके राउतका कार्यकर्ताले तोडफोड गरेका हुन् ।
राउतको पार्टीका नेता-कार्यकर्ताहरूले आज बिहानैदेखि जनकपुरधाममा प्रदर्शन गरिरहेका छन् । बिहान करिब सवा १० बजे राष्ट्रियसभा सदस्य निर्वाचनको मतदान केन्द्र जाने बाटोमा प्रवेश गर्न खोज्दा प्रहरी र प्रदर्शनकारीबीच झडप समेत भएको थियो ।
उक्त पार्टीका कार्यकर्ताहरूले बिहानैदेखि ‘पहिले खाद देऊ, अनि भोट खसाऊ’ भन्दै जनकपुरका विभिन्न स्थानमा टायर बालेर प्रदर्शन गरेका छन् । उनीहरूले मधेश विगत एक महिनादेखि आन्दोलित रहेपनि माग पूरा गर्न चासो नदेखाएको र मधेसमा आएर निर्वाचन गरिरहेकाले विरोध गरेको जनाएको हो ।
प्रहरीले स्थिति नियन्त्रणमा लिन १८ सेल अश्रुग्यास प्रहार गरेको जिल्ला प्रशाशन कार्यालय धनुषा स्रोतले जानकारी दिएको हो । प्रदर्शनकारीहरू मतदान बिथोल्ने हिसाबले उक्त बाटोमा प्रवेश गर्न खोज्दा सुरक्षाकर्मीले अर्को बाटोमा जान अनुरोध गरेको थियो ।
सो क्रमममा सामान्य झडप भएको थियो । प्रहरीले लाठीचार्ज पनि गरेको प्रदर्शनकारीहरूले बताएका छन् । अहिले स्थिति सामान्य भइ सकेपनि अर्को ठाउँमा उनीहरूले प्रदर्शन जारी राखेका छन् ।
जनकपुर, १२ माघ । सिके राउत नेतृत्वको जनमत पार्टीका कार्यकर्ताले सर्लाही हरिवन नगरपालिकाका मेयर गणेश प्रसाद प्रसाईं चढ्ने गाडी नियन्त्रणमा लिएर तोडफोड गरेका छन् ।
जनकपुरधाममा भइरहेको राष्ट्रियसभा सदस्यको निर्वाचनमा मतदान गर्न पुगेका मेयर प्रसाईको प्रदेश २–०३००१ झ ००२० नम्बरको गाडी सिके राउतका कार्यकर्ताले तोडफोड गरेका हुन् ।
राउतको पार्टीका नेता-कार्यकर्ताहरूले आज बिहानैदेखि जनकपुरधाममा प्रदर्शन गरिरहेका छन् । बिहान करिब सवा १० बजे राष्ट्रियसभा सदस्य निर्वाचनको मतदान केन्द्र जाने बाटोमा प्रवेश गर्न खोज्दा प्रहरी र प्रदर्शनकारीबीच झडप समेत भएको थियो ।
उक्त पार्टीका कार्यकर्ताहरूले बिहानैदेखि ‘पहिले खाद देऊ, अनि भोट खसाऊ’ भन्दै जनकपुरका विभिन्न स्थानमा टायर बालेर प्रदर्शन गरेका छन् । उनीहरूले मधेश विगत एक महिनादेखि आन्दोलित रहेपनि माग पूरा गर्न चासो नदेखाएको र मधेसमा आएर निर्वाचन गरिरहेकाले विरोध गरेको जनाएको हो ।
प्रहरीले स्थिति नियन्त्रणमा लिन १८ सेल अश्रुग्यास प्रहार गरेको जिल्ला प्रशाशन कार्यालय धनुषा स्रोतले जानकारी दिएको हो । प्रदर्शनकारीहरू मतदान बिथोल्ने हिसाबले उक्त बाटोमा प्रवेश गर्न खोज्दा सुरक्षाकर्मीले अर्को बाटोमा जान अनुरोध गरेको थियो ।
सो क्रमममा सामान्य झडप भएको थियो । प्रहरीले लाठीचार्ज पनि गरेको प्रदर्शनकारीहरूले बताएका छन् । अहिले स्थिति सामान्य भइ सकेपनि अर्को ठाउँमा उनीहरूले प्रदर्शन जारी राखेका छन् ।