संक्रमण बढेसँगै यातायात कार्यालय चितवनमा अनलाईन टोकन प्रणाली सुरु
न्युजभित्तो/३ माघ २०७८, सोमबार १०:४७
चितवन, ३ माघ । जिल्लामा कोरोना संङ्क्रमणदर वढ्दै गए पछि यातायात व्यवस्था सेवा कार्यालय चितवनमा अनलाइन टोकन प्रणाली सुरु गरिएको छ । कार्यालयले सेवालाई सहज र बढी भिडभाड हुन नदिन अनलाइन टोकन लागु गरेको हो ।
सवारी चालक अनुमति पत्र (लाइसेन्स) तथा सवारी नविकरणका लागि अनलाइन टोकन सुरु गरिएको हो । कार्यालयमा लाइसेन्सका लागि यस अघि नै अनलाइन टोकन सुरु गरिएको थियो । अहिले कोभिड सङ्क्रमणको जोखिम बढेसँगै सवारी नविकरणमा पनि अनलाइन टोकन सुरु गरिएको कार्यालय प्रमुख बिनोद पौडेलले बताउनुभयो । एक घण्टामा ३० वटा सवारी र १३ वटा लाइसेन्स नविकरण गर्ने गरी अनलाइन टोकन सुरु गरिएको उहाँले जानकारी दिनुभयो । उहाँले भन्नुभयो “कोभिड बढेकोले एक पटकमा २५ जना भन्दा बढी भिडभाड नहुने गरी सेवा प्रवाह गर्ने स्थानीय प्रशासनको आदेशपछि अनलाइन टोकन सुरु गरेका हौं ।” भिडको कारणले सेवा अवरुद्ध गर्न नपरोस् भनेर टोकन अनिवार्य गरिएको छ ।
कोभिडका कारण कार्यालय बन्द हुन नदिन भिडभाड कम गरेर सेवा प्रवाहको योजना रहेको उहाँले बताउनुभयो । सेवाग्राहीले कार्यालयको वेबसाइटमा गएर सजिलै अनलाइन टोकन लिन सक्नेछन् । वेबसाइटको भेटघाट व्यवस्थापन प्रणालीमा क्लिक गरेर नाम, मोबाइल नम्बर, लिन चाहेको सेवा र सेवा लिने मिति राखेर टोकन लिन सक्नेछन् ।
कार्यालयको सिस्टमले एक घण्टामा १५ जनालाई सेवा दिने गरी समय व्यवस्थापन गर्छ । सोही समयमा अनुसार कार्यालय गएर सेवा लिन सक्नेछन् । उहाँले थप्नुभयो “सिस्टमले समय दिन्छ । पहिलो १५ जनालाई १० देखि ११ बजे, दोस्रो १५ जनालाई ११ देखि १२ बजे, यसरी समय दिन्छ, ११ देखि १२ बजेलाई समय दिएको सेवाग्राही अरु समयमा आउनु पर्दैन ।”
अनलाइन टोकन लिएर आएपछि मात्रै सेवा दिने गरी व्यवस्थापन भइरहेको उहाँले वताउनुभयो । कार्यालयले मंसिर १२ गतेबाट लाइसेन्स नविकरण सेवा सुरु गरेको थियो । सेवा सुरु भएकोसंगै मंसिर १३ गतेबाट नै अनलाइन टोकन सुरु गरिएको हो ।
कार्यालयमा अहिले दैनिक ६० जना भन्दा बढी लाइसेन्स नविकरण सेवा बारे परामर्श लिन आउने गरेका छन् । ती मध्ये दैनिक ४० भन्दा बढीले नविकरण सेवा लिने गरेका छन् । कार्यालयले अहिलेसम्म ६ सय भन्दा बढी लाइसेन्स नविकरण गरिसकेको छ । कार्यालयले पेपरकार्ड र स्मार्ट दुबै लाइसेन्स नविकरणको सेवा दिइरहेको छ । रासस
चितवन, ३ माघ । जिल्लामा कोरोना संङ्क्रमणदर वढ्दै गए पछि यातायात व्यवस्था सेवा कार्यालय चितवनमा अनलाइन टोकन प्रणाली सुरु गरिएको छ । कार्यालयले सेवालाई सहज र बढी भिडभाड हुन नदिन अनलाइन टोकन लागु गरेको हो ।
सवारी चालक अनुमति पत्र (लाइसेन्स) तथा सवारी नविकरणका लागि अनलाइन टोकन सुरु गरिएको हो । कार्यालयमा लाइसेन्सका लागि यस अघि नै अनलाइन टोकन सुरु गरिएको थियो । अहिले कोभिड सङ्क्रमणको जोखिम बढेसँगै सवारी नविकरणमा पनि अनलाइन टोकन सुरु गरिएको कार्यालय प्रमुख बिनोद पौडेलले बताउनुभयो । एक घण्टामा ३० वटा सवारी र १३ वटा लाइसेन्स नविकरण गर्ने गरी अनलाइन टोकन सुरु गरिएको उहाँले जानकारी दिनुभयो । उहाँले भन्नुभयो “कोभिड बढेकोले एक पटकमा २५ जना भन्दा बढी भिडभाड नहुने गरी सेवा प्रवाह गर्ने स्थानीय प्रशासनको आदेशपछि अनलाइन टोकन सुरु गरेका हौं ।” भिडको कारणले सेवा अवरुद्ध गर्न नपरोस् भनेर टोकन अनिवार्य गरिएको छ ।
कोभिडका कारण कार्यालय बन्द हुन नदिन भिडभाड कम गरेर सेवा प्रवाहको योजना रहेको उहाँले बताउनुभयो । सेवाग्राहीले कार्यालयको वेबसाइटमा गएर सजिलै अनलाइन टोकन लिन सक्नेछन् । वेबसाइटको भेटघाट व्यवस्थापन प्रणालीमा क्लिक गरेर नाम, मोबाइल नम्बर, लिन चाहेको सेवा र सेवा लिने मिति राखेर टोकन लिन सक्नेछन् ।
कार्यालयको सिस्टमले एक घण्टामा १५ जनालाई सेवा दिने गरी समय व्यवस्थापन गर्छ । सोही समयमा अनुसार कार्यालय गएर सेवा लिन सक्नेछन् । उहाँले थप्नुभयो “सिस्टमले समय दिन्छ । पहिलो १५ जनालाई १० देखि ११ बजे, दोस्रो १५ जनालाई ११ देखि १२ बजे, यसरी समय दिन्छ, ११ देखि १२ बजेलाई समय दिएको सेवाग्राही अरु समयमा आउनु पर्दैन ।”
अनलाइन टोकन लिएर आएपछि मात्रै सेवा दिने गरी व्यवस्थापन भइरहेको उहाँले वताउनुभयो । कार्यालयले मंसिर १२ गतेबाट लाइसेन्स नविकरण सेवा सुरु गरेको थियो । सेवा सुरु भएकोसंगै मंसिर १३ गतेबाट नै अनलाइन टोकन सुरु गरिएको हो ।
कार्यालयमा अहिले दैनिक ६० जना भन्दा बढी लाइसेन्स नविकरण सेवा बारे परामर्श लिन आउने गरेका छन् । ती मध्ये दैनिक ४० भन्दा बढीले नविकरण सेवा लिने गरेका छन् । कार्यालयले अहिलेसम्म ६ सय भन्दा बढी लाइसेन्स नविकरण गरिसकेको छ । कार्यालयले पेपरकार्ड र स्मार्ट दुबै लाइसेन्स नविकरणको सेवा दिइरहेको छ । रासस