गैंडाकोटमा करोड लगानीमा कलात्मक हनुमान मन्दिर बनाईंदै
/७ बैशाख २०७६, शनिबार १०:२५
गैंडाकोट (नवलपरासी) श्री हनुमान मन्दिर समिति, चक्रघाटले मन्दिर निर्माणको २० वर्षे कार्ययोजना अन्तर्गत पञ्चवर्षीय योजना सार्वजनिक गरेको छ । समितिले गैंडाकोटमा पत्रकार सम्मेलन गरेर शिखरशैलीको कलात्मक मन्दिर निर्माण गरिने जनाएको छ । मन्दिर र यस वरिपरिको क्षेत्र पर्यटकीय क्षेत्रको रुपमा विकास हुने प्रचुर सम्भावना रहेकोले यसको प्रचारप्रसार गरिने पनि श्री हनुमान मन्दिर समिति, चक्रघाट समितिले जनाएको छ ।
श्री हनुमान मन्दिर चक्रघाटमा रहेको स्नानघाट, धर्मशाला, गुरुयोजना मुताविकको पार्क निर्माण तथा धार्मिक बनको दीगो व्यवस्थापनले गैंडाकोटको पर्यटन प्रवद्र्धनमा सहयोग पुग्ने श्री हनुमान मन्दिर समिति, चक्रघाटका अध्यक्ष टिकाराम सापकोटाले बताउनुभयो । उहाँले मन्दिरको निर्माण र धार्मिक पर्यटन प्रवद्र्धन अन्तर्गतका कार्ययोजना सम्पन्न गर्न भक्तजनको सहयोग आवश्यक रहेकोले सहयोग गर्न आग्रहसमेत गर्नुभएको छ ।
श्री हनुमान मन्दिर चक्रघाट निर्माणका लागि अनुमानित एक करोड रुपैयाँ आवश्यक रहेको सापकोटाले बताउनुभयो । भक्तजनबाट हालसम्म ५१ लाख रुपैयाँ सहयोग गर्ने प्रतिबद्धता आएको अध्यक्ष सापकोटाले जानकारी दिनुभएको छ ।
गैंडाकोट वडा नम्बर ९ का वडाध्यक्ष प्रेमप्रसाद सापकोटाले बजेट छैन भनेर बस्न नहुने भन्दै वडा र नगरमा आफुले पहल गरेर बजेटको व्यवस्थापन गर्न लागिपर्ने प्रतिबद्धता व्यक्त गर्नुभयो । २०४४ सालको हनुमान जयन्तिका दिनदेखि उक्त स्थानमा मूर्ति स्थापना गरि पूजाआजा हुँदै आएको छ ।
पत्रकार सम्मेलनमा मन्दिर निर्माण समिति संयोजक ओमप्रसाद सापकोटा, संस्थापक अध्यक्ष रत्नाखर सापकोटा, गैंडाकोट वडा नम्बर १ का वडाध्यक्ष हरिप्रसाद सापकोटा, गण्डकी प्रदेश स्थानीय सामुदायिक बन महासंघका उपाध्यक्ष खगराज सापकोटा, कार्यक्रम संयोजक गंगाबहादुर पाण्डे, समितिका सहसचिब पिताम्बर सापकोटालगायतको उपस्थिति थियो ।
गैंडाकोट (नवलपरासी)
श्री हनुमान मन्दिर समिति, चक्रघाटले मन्दिर निर्माणको २० वर्षे कार्ययोजना अन्तर्गत पञ्चवर्षीय योजना सार्वजनिक गरेको छ । समितिले गैंडाकोटमा पत्रकार सम्मेलन गरेर शिखरशैलीको कलात्मक मन्दिर निर्माण गरिने जनाएको छ । मन्दिर र यस वरिपरिको क्षेत्र पर्यटकीय क्षेत्रको रुपमा विकास हुने प्रचुर सम्भावना रहेकोले यसको प्रचारप्रसार गरिने पनि श्री हनुमान मन्दिर समिति, चक्रघाट समितिले जनाएको छ ।
श्री हनुमान मन्दिर चक्रघाटमा रहेको स्नानघाट, धर्मशाला, गुरुयोजना मुताविकको पार्क निर्माण तथा धार्मिक बनको दीगो व्यवस्थापनले गैंडाकोटको पर्यटन प्रवद्र्धनमा सहयोग पुग्ने श्री हनुमान मन्दिर समिति, चक्रघाटका अध्यक्ष टिकाराम सापकोटाले बताउनुभयो । उहाँले मन्दिरको निर्माण र धार्मिक पर्यटन प्रवद्र्धन अन्तर्गतका कार्ययोजना सम्पन्न गर्न भक्तजनको सहयोग आवश्यक रहेकोले सहयोग गर्न आग्रहसमेत गर्नुभएको छ ।
श्री हनुमान मन्दिर चक्रघाट निर्माणका लागि अनुमानित एक करोड रुपैयाँ आवश्यक रहेको सापकोटाले बताउनुभयो । भक्तजनबाट हालसम्म ५१ लाख रुपैयाँ सहयोग गर्ने प्रतिबद्धता आएको अध्यक्ष सापकोटाले जानकारी दिनुभएको छ ।
गैंडाकोट वडा नम्बर ९ का वडाध्यक्ष प्रेमप्रसाद सापकोटाले बजेट छैन भनेर बस्न नहुने भन्दै वडा र नगरमा आफुले पहल गरेर बजेटको व्यवस्थापन गर्न लागिपर्ने प्रतिबद्धता व्यक्त गर्नुभयो । २०४४ सालको हनुमान जयन्तिका दिनदेखि उक्त स्थानमा मूर्ति स्थापना गरि पूजाआजा हुँदै आएको छ ।
पत्रकार सम्मेलनमा मन्दिर निर्माण समिति संयोजक ओमप्रसाद सापकोटा, संस्थापक अध्यक्ष रत्नाखर सापकोटा, गैंडाकोट वडा नम्बर १ का वडाध्यक्ष हरिप्रसाद सापकोटा, गण्डकी प्रदेश स्थानीय सामुदायिक बन महासंघका उपाध्यक्ष खगराज सापकोटा, कार्यक्रम संयोजक गंगाबहादुर पाण्डे, समितिका सहसचिब पिताम्बर सापकोटालगायतको उपस्थिति थियो ।