आज भरतपुरको केहि स्थानमा विद्युत अवरुद्ध हुने

चितवन,१५ कात्तिक । भरतपुरका केहि स्थानमा आज विद्युत अवरुद्ध हुने भएको छ । १३२ केभी, ३३ केभी र ११ केभी हेटौंडा ग्रीड अन्तर्गतको भरतपुर महानगरपालिका ११ बसेनीमा रहेको सवस्टेशनमा ब्रेकर र केवल परिर्वतन र स्तरोन्नतीको काम हुने भएकाले विद्युत अवरुद्ध हुने भएको भरतपुर वितरण केन्द्रका प्रमुख राजीव कुमार सिँंहले जानकारी दिए।

आज (सोमबार) अस्पताल फिडर, भरतपुर १, भरतपुर २, गैँडाकोट, कोक, नारायणगढ, भृकुटी, कल्याणपुर र औद्योगिक १, २ फिडरमा विद्युत् अवरुद्ध हुनेछ । गत शनिवार सवस्टेशनमा २ वटा ब्रेकर पड्किएको थियो ।