वरिष्ठ अभिनेत्री शुभद्रा अधिकारीको निधन

काठमाडौँ । वरिष्ठ अभिनेत्री शुभद्रा अधिकारीको ७२ वर्षको उमेरमा आज विहान निधन भएको छ । दम रोगबाट पीडित अधिकारीको बिहान आफ्नै निवास डल्लुमा निधन भएको हो ।

दर्जनौँ सिनेमा, टेलिश्रृङ्खला तथा नाटकबाट लोकप्रिय हुन सफल अभिनेत्री अधिकारी चलचित्र कन्यादानमा निर्वाह गरेको छुच्ची सासूको भूमिकाका लागि चर्चित छिन्। स्वर्गीय अधिकारीको आजै अन्त्येष्टि गरिने नेपाल चलचित्र कलाकार संघकी उपाध्यक्ष तथा अभिनेत्री रेजिना उप्रेतीले जानकारी दिनुभएको छ ।