पत्रकार पाण्डेको तीज गीत ‘चुरा’ सार्वजनिक

काठमाडौँ । पत्रकार गणेश पाण्डेको तीज गीत ‘चुरा’ सार्वजनिक भएको छ । हिन्दू महिलाको हरितालिका तीजलाई लक्ष्य गरी पाण्डेले ‘चुरा’ सार्वजनिक गर्नुभएको हो ।

गायिका सुनिता अधिकारीको स्वर रहेको उक्त गीत युटुबमार्फत सार्वजनिक गरिएको हो । समसामयिक विषयवस्तुलाई उक्त तीज गीतमा समावेश गरिएको छ । शिव हमालको लयमा अधिकारीले सो गीतमा अभिनय गर्नुभएको छ । गीतको छायाङ्कन राजेश घिमिरेले र सम्पादन विष्णु शर्माले गर्नुभएको हो । प्रकाश भट्टले निर्देशन गर्नुभएको गीत साइन मिडिया प्रालिले बजारमा ल्याएको हो ।

दोर्दी गाउँपालिका धुसेनीकी अधिकारीले स्कूले जीवनदेखि नै गीत गाउन थाल्नुभएको हो । विसं २०६४ मा एसएलसी उत्तीर्ण गरेपछि उहाँ काठमाडौँ जानुभएको हो । यसबीचमा अधिकारीले ‘पानको मिसी हुकुमको चौकाले’, ‘मेरो लमजुङ घर’, ‘चौबन्दीको तुना’, ‘झलमल झलमल’लगायत गीतमा स्वर दिइसक्नुभएको छ ।

यहाँ क्लिक गर्नुहोला :