राप्तीको सामुदायिक वनमा युवतीको शव फेला

चितवन, २० असार । जिल्लाको राप्ती नगरपालिकास्थित सामुदायिक वनमा एक युवतीको शव फेला परेको छ । ब्रम्हस्थानी सामुदायीक वनमा आज आइतबार साँझ युवतीको शव फेला परेको हो । उक्त शव कस्को हो भन्ने एकिन भने हुन सकेको छैन ।

विगत नौ दिन अघिदेखि हराएकी राप्ती नगरपालिका वडा नं. ३ की २२ बर्षिय सुजिता भण्डारीको शव हुनसक्ने आशंका स्थानीयले गरेका छन् । गलेको अवस्थामा फेला परेको उक्त शवलाई परिवारका सदस्यले भने सुजिताको नै भएको बताएका छन् । शव पोष्टमाटमका लागि भरतपुर अस्पताल ल्याउने तयारी गरिएको छ । जंगलमा च्याउन टिप्न गएका स्थानीयहरुले देखेपछि प्रहरीलाई खबर गरेका थिए । वनको बीचमा एउटा झाङमा अड्किएको अवस्थामा उनको शव फेला परेको प्रहरीले जनाएको छ ।

असार ११ गते विहान ६ बजे साथीको घर जाने भनेर हिडेकी सुजिता सोही दिनदेखि वेपत्ता भएकी थिइन । उनले सोही दिन १२ बजे आफ्नी दिदीलाई फोन गरेर अपहरणमा पारेको बताएको परिवारका सदस्यले बताउँदै आएका छन् ।