आर्थिक पत्रकारिता तालिम सम्पन्न

नारायणगढ । नेपाल पत्रकार महासंघ चितवन शाखा र उद्योग वाणिज्य संघ चितवनको संयुक्त आयोजनामा सञ्चालित तीन दिने आर्थिक पत्रकारिता तालिम मंगलबार सम्पन्न भयो । आइतबारदेखि शुरु भएको तालिममा जिल्लाका २८ जना क्रियाशील पत्रकारको सहभागिता रहेको थियो ।

समापन कार्यक्रममा महासंघका अध्यक्ष राधेश्याम खतिवडाले तालिमले यस क्षेत्रको आर्थिक गतिविधिलाई शुक्ष्म तरिकाले समाचार सम्प्रेषण गर्न सहयोग मिल्ने बताउनुभयो । अब राजनीतिक मुद्दा बाँकी नरहेको भन्दै अध्यक्ष खतिवडाले आर्थिक गतिविधिमा केन्द्रीत हुनुपर्ने बताउनुभयो ।

तालिममा सहभागी पत्रकारहरुले जिल्लाका एउटा/एउटा विषयमाथि कलम चलाएर ती सामग्रीलाई संघको सहयोगमा पुस्ताकाकार दिईने जानकारी उहाँले दिनुभयो ।

सो अवसरमा संघका अध्यक्ष सहनलाल प्रधानले यस प्रकारको तालिम सञ्चालन गर्ने विगत नौ वर्षदेखिको आफ्नो चाहना पूरा भएको बताउनुभयो । तालिमले यहाँको उद्योग व्यवसायलाई प्रबद्र्धन गर्न सहयोग मिल्ने अपेक्षा प्रधानले गर्नुभयो ।  तालिममा पत्रकारहरुलाई अध्यक्ष प्रधानले प्रमाणपत्र वितरण गर्नुभएको थियो ।