सम्पर्क  |  हाम्रो बारेमा  |  मुख्य पृष्ठ  |      |    | 
    • राष्ट्रिय
    • राजनीति
    • समाज
    • चितवन सेरोफेरो
    • अर्थ / बाणिज्य
    • कला/साहित्य
    • खेलकुद
    • अन्तर्राष्ट्रिय
    • विचार / अन्तर्वार्ता

नेपालमा एक सिंगे गैंडाको संख्यामा बृद्धि


  •    न्युजभित्तो/२८ चैत्र २०७७, शनिबार २१:०१ 
  • चितवन,२८ चैत । नेपालमा एक सिंगे गैंडाको संख्यामा बृद्धि भएको छ । राष्ट्रिय गैंडा गणना २०७७ को नतिजा सार्बजनिकी करण समारोहका क्रममा नेपालमा गैंडाको संख्या वृद्धि भई ७ सय ५२ पुगेको छ ।

    जस अन्तर्गत चितवन राष्ट्रिय निकुञ्जमा ६ सय ९४, पर्सा राष्ट्रिय निकुञ्जमा ३, वर्दीया राष्ट्रिय निकुञ्जमा ३८ र शुक्लाफाँटा राष्ट्रिय निकुञ्जमा १७ वटा गैंडा भेटिएको जानकारी दिइयो ।
    भेटिएका गैंडा मध्ये भाले १ सय ४६ पोथी १ सय ९८ र लिङ्ग नछुटिएका ४ सय ८ गैंडा रहेका छन् ।

    वन तथा वातावरण मन्त्रालयका सचिब डा. विश्वनाथ ओलीका अनुसार नेपालमा रहेका गैंडा मध्य वयस्क ५ सय २०, अर्धवयस्क ९६ र बच्चा १सय ३६ रहेका छन् । जस अन्तर्गत चितवन राष्ट्रिय निकुञ्जमा १ सय २८ भाले, १ सय ७४ पोथी, लिङ्ग नछुटियको ३ सय ९२ रहेका छन् । यस्तै वयस्क ४ सय ७४, अर्धबयस्क ९५ र वच्चा १ सय २५ रहेको उहाँले जानकारी दिनुभयो ।

    पर्सा राष्ट्रिय निकुञ्जमा भाले १, पोथी १ र लिङ्ग नछुट्टिएको एक गैंडा रहेका छन् । यस्तै बयस्क २ र बच्चा १ रहेको सार्बजनिक गरिएको तथ्याङ्कमा उल्लेख छ । वर्दीया राष्ट्रिय निकुञ्जमा १४ भाले, १९ पोथी र लिङ्ग नछुट्टिएको ५ गरि ३८ गैंडा रहेका छन् । जस मध्ये वयस्क ३१, अर्धवयस्क १ र वच्चा ६ वटा रहेका छन् । शुक्लाफाँटा राष्ट्रिय निकुञ्जमा रहेका १७ मध्ये ३ भाले, ४ पोथी र लिङ्ग पहिचान नभएको १० रहेका छन । ती मध्ये १३ वयस्क र ४ वच्चा रहेको सचिब ओलीले जानकारी दिनुभयो ।

    उहाँका अनुसार सन २०१५ मा गैंडाको संख्या ६ सय ४५ रहेकोमा वढेर ७ सय ५२ पुगेको हो । चितवनमा ६ स ५ वाट ६ सय ९४, वर्दीयामा २९ वाट ३८ र शुक्लाफाँटामा ८ बाट १७ पुगेको छ । पर्सामा तीनवटानै यथावत रहेको उहाँले जानकारी दिनुभयो ।

    यही चैत ९ गते पर्साको प्रतापपुरबाट सुरु गरिएको गणना चैत २७ गते सम्पन्न भएको थियो । वर्दीया राष्ट्रिय निकुञ्जमा गैंडा गणनाका क्रममा एक जनाको मृत्यु भएको थियो भने सात जना घाईते भएका थिए । बाघको आक्रमणबाट बर्दीयामा हात्तीसारे पुलिसराम थारुको वाघको आक्रमणबाट मृत्यु भएको थियो । चितवन राष्ट्रिय निकुञ्जमा ध्रुर्वे हात्तीका कारण सात जना घाईते भएका थिए । जसमा एक जना गम्भिर घाईते भई काठमाडौंमा उपचार भईरहेको उहाँले जानकारी दिनुभयो । सन २०१५ को गणनामा नेपालमा गैंडाको संख्या ६ सय ४५ रहेको थियो । जस मध्ये सबैभन्दा धेरै चितवन राष्ट्रिय निकुञ्जमा ६ सय ५ गैंडा रहेका थिए । पर्सामा ३, शुक्लाफाँटामा ८ र वर्दीयामा २९ गैंडा रहेका थिए । गैंडा गणनामा ५७ वटा हात्ती, २ सय ५० जना कर्मचारीले २३ दिन लगाएर गैंडा गणना गरेका थिए ।

    चितवन र पर्सा निकुञ्जमा १९ वटा ब्लक, बर्दीयामा ८ वटा र शुक्लाफाँटामा ४ वटा ब्लक निर्माण गरि गणना गरिएको हो ।
    राष्ट्रिय निकुञ्ज तथा वन्यजन्तु संरक्षण बिभागका महा निर्देशक दिपक खराल, इकोलोजिष्ट हरिभद्र आचार्य, रत्ननगर नगरपालिका प्रमुख नारायण वन लगायतले बोल्नुभएको थियो।

    तपाईको प्रतिक्रिया

    ताजा अपडेट

    भरतपुरमा छ स्थानमा खानेपानीका ‘ओभरहेड ट्याङ्की’ निर्माण गरिँदै
    प्रधानमन्त्रीको भारत भ्रमणः द्विपक्षीय हित र सम्बन्ध विस्तारमा केन्द्रित हुन पूर्वपरराष्ट्रमन्त्रीहरूको सुझाव
    आविष्कार केन्द्रको अवलोकन गर्दै मन्त्री तामाङले भने– आविष्कारको युगमा प्रदेश सरकारले सहयोग गर्छ
    • दसैँ–तिहारपछि भरतपुर अस्पतालमा बिरामीको चाप
    • टेन्ट टाँगेर आफ्नै थातथलो फर्किए टिमुरेका बाढीपीडित
    • दूरसञ्चार सेवा प्रदायकलाई जरिवाना र ब्याज मिनाहाको सुविधा
    • धार्मिक पर्यटन प्रवर्द्धन र सनातन धर्मलाई युवापुस्तासँग जोड्नुपर्नेमा मन्त्री तामाङको जोड

    हाम्रो बारेमा

    अध्यक्ष

    तिलक राम रिमाल

    सम्पादक

    सुजाता पोख्रेल  


    फेसबुकमा हामी

    News Vitto - न्यूजभित्तो

    सम्पर्क

      कृति मिडिया प्रा. लि. द्वारा सञ्चालित : न्यूज भित्तो  
       भरतपुर महानगरपालिका – १२, चितवन  

        ९८५५०३३२३६, ९८५५०८२५८५
      info@newsvitto.com, newsvitto@gmail.com
    सूचना तथा प्रसारण विभाग दर्ता नं: १३११/०७५/७६
    © Kriti Media Pvt.Ltd    |  All rights reserved. | Website By : WEBSOFTNEPAL Pvt.Ltd.