देशैभर गैँडा गणना सकिंदै, आजै नतिजा सार्वजनिक गर्ने तयारी
न्युजभित्तो/२८ चैत्र २०७७, शनिबार १०:४०
चितवन, चैत २८ । दुर्लभ एकसिंगे गैंडा गणना आज सकिंदैछ । नेपालका गैंडा पाईने निकुञ्ज क्षेत्रमा गरिएको गणना आज सम्पन्न हुन लागेको हो ।
चितवन राष्ट्रिय निकुञ्जका सहायक संरक्षण अधिकृत एवं सूचना अधिकारी लोकेन्द्र अधिकारीका अनुसार चितवनमा हिजो शुक्रबार गणना सम्पन्न भएको भए पनि आज तथ्यांक संकलन गर्ने कार्य जारी रहेको छ । आजै साँझसम्म सम्पूर्ण तथ्यांक संकलन गरेर सार्वजनिक गरिने उहाँले बताउनुभयो । उहाँका अनुसार बर्दिया र शुक्लाफाटा राष्ट्रिय निकुञ्जमा पनि आज गणना सम्पन्न हुँदैछ । पत्रकार सम्मेलन अघि त्यहाँको समेत तथ्यांक आएमा देशैभरको एकै साथ सार्वजनिक गरिने उहाँले जानकारी दिनुभयो । उहाँले भन्नुभयो “चितवनको आज सार्वजनिक हुन्छ, बर्दिया र शुक्लाफाँटाको तथ्यांक आए मात्रै सार्वजनिक गछौं ।”
यही चैत ९ गते पर्सा राष्ट्रिय निकुञ्जबाट सुरु गरिएको गैँडा गणना शुक्रबार सकिएको थियो । यसपटक ४० जना मुख्य गणक र २० जना वैकल्पिक गणक गैडा गणनामा खटिएका थिए । हरेक पाँच÷पाँच वर्षमा गैँडा गणना गर्ने गरिन्छ । तर, कोरोना महामारीका कारण गत वर्ष गणनाको अन्तिम तयारीको अवस्थामा स्थगन गरिएको थियो । यसअघि सन् २०१५ मा गैँडा गणना गरिएको थियो । निकुञ्जलाई विभिन्न ब्लक बनाएर प्राविधिकले एक÷एक गरी गैँडा गनेका छन् ।
गैँडाको सङ्ख्या, प्रजनन् अवस्था, विचरण र आहाराको अवस्था थाहा पाउन हरेक पाँच÷पाँच वर्षमा गैँडा गणना गरिँदै आएको हो । गणनापछि यसको अवस्था हेरेर गैंडाको संरक्षण, बासस्थान व्यवस्थापनको काम गरिने छ । पछिल्लो पटक सन् २०१५ को गणनामा नेपालमा कूल ६४५ वटा गैँडा थिए । तथ्याङ्कअनुसार चितवनमा ६०५, बर्दियामा २९, शुक्लाफाँटामा आठ र पर्सामा तीन गैँडा भेटिएका थिए । यस वर्ष गणनामा ४० हात्ती र २०० जनशक्ति परिचालन गरिएको थियो। गैँडा गणनाका क्रममा बर्दियामा एकजना गणकमाथि बाघले आग्रमण गर्दा मृत्युसमेत भएको छ ।
चितवन, चैत २८ । दुर्लभ एकसिंगे गैंडा गणना आज सकिंदैछ । नेपालका गैंडा पाईने निकुञ्ज क्षेत्रमा गरिएको गणना आज सम्पन्न हुन लागेको हो ।
चितवन राष्ट्रिय निकुञ्जका सहायक संरक्षण अधिकृत एवं सूचना अधिकारी लोकेन्द्र अधिकारीका अनुसार चितवनमा हिजो शुक्रबार गणना सम्पन्न भएको भए पनि आज तथ्यांक संकलन गर्ने कार्य जारी रहेको छ । आजै साँझसम्म सम्पूर्ण तथ्यांक संकलन गरेर सार्वजनिक गरिने उहाँले बताउनुभयो । उहाँका अनुसार बर्दिया र शुक्लाफाटा राष्ट्रिय निकुञ्जमा पनि आज गणना सम्पन्न हुँदैछ । पत्रकार सम्मेलन अघि त्यहाँको समेत तथ्यांक आएमा देशैभरको एकै साथ सार्वजनिक गरिने उहाँले जानकारी दिनुभयो । उहाँले भन्नुभयो “चितवनको आज सार्वजनिक हुन्छ, बर्दिया र शुक्लाफाँटाको तथ्यांक आए मात्रै सार्वजनिक गछौं ।”
यही चैत ९ गते पर्सा राष्ट्रिय निकुञ्जबाट सुरु गरिएको गैँडा गणना शुक्रबार सकिएको थियो । यसपटक ४० जना मुख्य गणक र २० जना वैकल्पिक गणक गैडा गणनामा खटिएका थिए । हरेक पाँच÷पाँच वर्षमा गैँडा गणना गर्ने गरिन्छ । तर, कोरोना महामारीका कारण गत वर्ष गणनाको अन्तिम तयारीको अवस्थामा स्थगन गरिएको थियो । यसअघि सन् २०१५ मा गैँडा गणना गरिएको थियो । निकुञ्जलाई विभिन्न ब्लक बनाएर प्राविधिकले एक÷एक गरी गैँडा गनेका छन् ।
गैँडाको सङ्ख्या, प्रजनन् अवस्था, विचरण र आहाराको अवस्था थाहा पाउन हरेक पाँच÷पाँच वर्षमा गैँडा गणना गरिँदै आएको हो । गणनापछि यसको अवस्था हेरेर गैंडाको संरक्षण, बासस्थान व्यवस्थापनको काम गरिने छ । पछिल्लो पटक सन् २०१५ को गणनामा नेपालमा कूल ६४५ वटा गैँडा थिए । तथ्याङ्कअनुसार चितवनमा ६०५, बर्दियामा २९, शुक्लाफाँटामा आठ र पर्सामा तीन गैँडा भेटिएका थिए । यस वर्ष गणनामा ४० हात्ती र २०० जनशक्ति परिचालन गरिएको थियो। गैँडा गणनाका क्रममा बर्दियामा एकजना गणकमाथि बाघले आग्रमण गर्दा मृत्युसमेत भएको छ ।