आरबीबी-एनभीए भलिबल लिगमा न्यू डाइमन्डको विजयी सुरुवात

काठमाडौं, १९ चैत । न्यू डाइमन्ड क्लबले आजदेखि सुरु भएको आरबीबी-एनभीए पुरुष तथा महिला राष्ट्रिय भलिबल लिगमा विजयी सुरुवात गरेको छ । त्रिपुरेश्वरस्थित राष्ट्रिय खेलकुद परिषद्को कभर्डहलमा भएको खेलमा न्यू डाइमन्डले ढोरपाटन स्पोर्ट्स क्लबविरुद्ध सोझो सेटको शानदार जित निकालेको हो ।

पहिलो सेट २५-६ ले आफ्नो पक्षमा पारेको न्यू डाइमन्डले दोस्रो सेटमा २५-२ को शानदार नतिजा निकाल्यो । न्यू डाइमन्डसामु निरीह बनेको ढोरपाटनले तेस्रो सेट पनि २५-५ ले सुम्पेको थियो ।

राउन्ड रोबिन पद्धतिमा जारी प्रतियोगिताको अर्को खेलमा न्यू डाइमन्डले भोलि त्रिभुवन आर्मी क्लबसँग खेल्नेछ ।