नेकपा एमालेको नेपाल– खनाल समूहले आफू पक्षको भेला बोलायो
न्युजभित्तो/१७ चैत्र २०७७, मंगलवार ११:४८
काठमाडौँ, १७ चैत । नेकपा एमालेको माधव कुमार नेपाल–झलनाथ खनाल समूहले आफू पक्षको भेला बोलाएको छ । प्रधानमन्त्री केपी शर्मा ओलीले वरिष्ठ नेता नेपाल र भीम रावललाई ६ महिने निलम्बनको घोषणा गरेपछि आफू पक्षको रणनीति बनाउन भेला बोलाएको हो ।
भेलामा नेपाल–खनाल निकटका स्थायी समिति सदस्यका साथै सांसदहरुको सहभागिता रहने एक नेताले बताए । नेपाल–खनाल समूहले भेला बोलाएको स्थान गोप्य राखेको छ ।
ओलीले पार्टी विरोधी गतिविधि गरे थप कारबाहीको चेतावनी समेत दिएको सन्दर्भमा नेपाल समूहले भेला बोलाएको हो ।
संस्थापन पक्षको कारबाहीको घोषणालगत्तै नेपाल समूहले कडा आपत्ति जनाएको छ भने ओली समूहले कारबाहीलाई स्वाभाविक रहेको प्रतिक्रिया दिएको छ । यद्यपी प्रतिनिधिसभाको सबैभन्दा ठूलो पार्टीभित्र देखिएको विवाद विभाजन उन्मुख भएको पार्टीकै नेता कार्यकर्ताले टिप्पणी गरेका छन् ।
फागुन २३ मा नेकपा एकता बदर गरी सर्वोच्च अदालतले एमाले र माओवादी केन्द्र ब्युँताइदिएपछि एमालेभित्र विवाद उग्र बन्दै गएको छ । सो पार्टीमा नेपाल–खनाल समूहले समानान्तर गतिविधि गर्दै आएको छ ।
काठमाडौँ, १७ चैत । नेकपा एमालेको माधव कुमार नेपाल–झलनाथ खनाल समूहले आफू पक्षको भेला बोलाएको छ । प्रधानमन्त्री केपी शर्मा ओलीले वरिष्ठ नेता नेपाल र भीम रावललाई ६ महिने निलम्बनको घोषणा गरेपछि आफू पक्षको रणनीति बनाउन भेला बोलाएको हो ।
भेलामा नेपाल–खनाल निकटका स्थायी समिति सदस्यका साथै सांसदहरुको सहभागिता रहने एक नेताले बताए । नेपाल–खनाल समूहले भेला बोलाएको स्थान गोप्य राखेको छ ।
फागुन २३ मा नेकपा एकता बदर गरी सर्वोच्च अदालतले एमाले र माओवादी केन्द्र ब्युँताइदिएपछि एमालेभित्र विवाद उग्र बन्दै गएको छ । सो पार्टीमा नेपाल–खनाल समूहले समानान्तर गतिविधि गर्दै आएको छ ।