मनिष थापामगर बचाउ अभियानको औपचारिक घोषणा

चितवन,४ चैत्र ।  तनहुँ जिल्ला आबुखैरेनि गाउपालिका वडा न ३ कोटगाउ स्थायि घर भएका वर्ष २१ का मनिष थापामगरको दुबै मृगौलाले काम गर्न छाडेको दुइ वर्ष भयो ।

आर्थिक अभावमा उनि अहिले चितवन स्थित भरतपुर महानगरपालिका वडा न १५ फुलबारिमा मामा तेज बहादुर गुरुङको घरमा आश्रय लिएर बसिरहेका छन । हिजो अर्थ गणेश पचायन मन्दिर परिसरमा सामाजिक राजनितिक एवम बौदिक ब्यक्त्तित्वहरुको अन्तरक्रीया एवम् छलफलबाट समाजसेवि श्री किशोर गुरुङको सयोजकत्त्वमा ६ सदस्य मनिष थापामगर बचाउ समिति गठन भएको छ ।

सदस्यहरुमा मिलन थापामगर , अनिल बानिया ,धुर्वराज पौडेल ,उमा बराल सरिस्मा ,कृष्ण घोताने गुरुङ र उहाको मामा तेज बहादुर गुरुङ हुनुहुन्छ । त्यस्तै बिदुर केसि को सयोजकत्वमा ३ सदस्य सल्लाहकार समिति गठन गरिएको छ ।

हिजोको कार्यक्रममा स्वतः स्फुर्त रुपमा बिभिन्न महानुभावले एकलाख बराबरको सहयोग रकम प्रदान गर्नु भएको छ । मनिष थापामगरको मृगौला टान्सप्लान्ट को निमित्त १४/१५ लाख लाग्ने र उनका बुवा पुर्ण बहादुर थापामगरले मृगौला दिने बुवाले नै जानकारी गराउनु भएको छ।