रङ्गशाला निर्माणमा सहयोग गर्न सरकार तयार छ : खेलकुदमन्त्री विश्वकर्मा

चितवन । युवा तथा खेलकूदमन्त्री जगतबहादुर विश्वकर्माले रामपुरमा बन्दै गरेको अन्तर्राष्ट्रिय क्रिकेट रङ्गशाला निर्माणमा सहयोग गर्न सबैलाई आग्रह गर्नुभएको छ । भरतपुर महानगरपालिका– १५ मा धुर्मुस– सुन्तली फाउण्डेसनको समन्वयमा निर्माण हुँदै गरेको रङ्गशालाको आज निरीक्षणका क्रममा उहाँले विकास र संवृद्धिमा अवरोध आए समस्या समाधान गर्दै अघि बढ्नुपर्ने बताउनुभयो ।

चितवनवासीको सक्रिय सहभागितामा बन्न लागेको उक्त रङ्गशाला निर्माणमा सहयोग गर्न सरकार तयार रहेको उहाँको भनाइ थियो । निजी क्षेत्रबाट उत्साहका साथ काम भइरहेकाले आफू उत्साहित भएको मन्त्री विश्वकर्माले बताउनुभयो ।

यही जेठ १५ गते रङ्गशालाको बार स्थानीयवासीले डोजर लगाएर भत्काएपछि हाल निर्माणको काम रोकिएको छ । रङ्गशाला निर्माणका लागि तीन अर्ब रुपैयाँ लागत अनुमान गरिएको छ ।