सिद्दकामेश्वर शिवालय मन्दिर भरतपुर १५ मा भोली महाशिबरात्रीको दिन बिबिध कार्यक्रम हुने

रविन देवकोटा- चितवन,२६ फागुन । श्री सिद्दकामेश्वर शिवालय मन्दिर भरतपुर १५ गोपालगन्जमा भोली बिहिबार महाशिबरात्रीको दिन बिबिध कार्यक्रम हुने भएको छ।

मन्दिर परिसरमा हुने शिबरात्री बिशेष कार्यक्रममा म्युजिकल चियर,खुल्ला बाल नृत्य प्रतियोगिता,खुल्ला पुरुष घैटो फुटाइ प्रतियोगिता, जेष्ठ नागरिक चौरासि वर्ष कटेका हजुरबा हजुरआमाहरुलाई अभिनन्दन कार्यक्रम समेत राखिएको शिबरात्री बिशेष कार्यक्रमका कार्यक्रम संयोजक अनिल बानियाँले बताउनुभयो।

श्री सिद्द कामेश्वर शिवालय मन्दिर र श्री परोपकार आमा समुहको संयुक्त आयोजनामा हुन लागेको कार्यक्रम भोलि १०बजे बाट नै सुरु हुने आयोजकले जनाएको छ।

त्यस्तै बेलुकी भजन कृतन सहित बत्ति बालेर शिब धुनि ताप्ने र बिहान सम्म जागराम बसि भजनटोली बिदा गरिसके प्रश्चात यस बर्षको शिबरात्री बिशेष कार्यक्रम सकिने संयोजक बानियाँले बताउनुभयो।