चितवन निकुञ्जमा बाघ र गैंडा मृत फेला

चितवन २५ फागुन । चितवन राष्ट्रिय निकुञ्जमा एक बाघ र वटा गैंडा मृत फेला परेका छन् । निकुञ्जको अमलटारी क्षेत्र अन्तर्गत नारायणी नदी कलकत्ता टापुमा सोमबार गैंडा मृत फेला परेको हो ।

निकुञ्जका सूचना लोकेन्द्र अधिकारीका अनुसार भाले–भाले बीच एकआपसमा जुधेर गैंडा मरेको हो । जुधेपछि घाईते भई मरेको अनुमान गरिएको उहाँले जानकारी दिनुभयो । उहाँका अनुसार गैंडाको खाग, खुर सुरक्षित रहेको छ । चालु आर्थिक वर्षमा यो सहित २६ वटा गैंडा मरेका छन् । ती मध्ये २२ वटा प्राकृतिक कारण र चार वटा चोरीशिकारीले मारेका हुन् ।

यसैबीच निकुञ्जको सौराहा सेक्टर अन्तर्गत चपरचुली खहरे खोला क्षेत्रमा एउटा पाटे बाघ मृत फेला परेको छ । अन्दाजी चार वर्षको उक्त बाघ प्राकृतिक कारणले मरेको हुन सक्ने उहाँले बताउनुभयो । चालु आर्थिक वर्षमा बाघको मृत्यु भएको यो पहिलो घटना हो ।