चितवन राष्ट्रिय निकुञ्जका पूर्वकर्मचारीको संरक्षणप्रति चिन्ता
/२३ जेष्ठ २०७६, बिहीबार १९:५४
चितवन । चितवन राष्ट्रिय निकुञ्ज प्रशासन र सुरक्षार्थ खटिएको सेनामा रहेर कामको अनुभव वटुलेका पूर्वकर्मचारी र सुरक्षाकर्मीले वन तथा वन्यजन्तु संरक्षणको दायित्व आफूहरुमा पनि रहेको बताएका छन् ।
निकुञ्जले मुख्य कार्यालय कसरामा बिहीबार आयोजना गरेको अन्तरक्रिया कार्यक्रममा उनीहरुले अवकाश प्राप्त जीवनमा आफूहरुको ज्ञान, सीप र अनुभवको उपयोग गरी संरक्षणमा जुट्न बहालवाला कर्मचारी र सुरक्षा निकायलाई आग्रह गरेका थिए ।
वर्षातको समयमा चोरी शिकारी हुन सक्ने भन्दै पूर्वकर्मचारीसँग निकुञ्जले अन्तरक्रिया गरेको हो । सो अवसरमा निकुञ्जका पूर्वप्रमुख संरक्षण अधिकृत रामप्रित यादवले संरक्षण जीवनसँग सम्बन्धित रहेको भन्दै संरक्षण बिना अस्तित्व सम्भव नरहेको बताउनु्भयो । उहाँले पूर्वकर्मचारी र सुरक्षाकर्मीको भूमिका संरक्षणमा महत्वपूर्ण हुने बताउनुभयो ।
भूपु सैनिक संरक्षण सञ्जालका संयोजक पूर्वसेनानी शेरबहादुर घर्ती मगरले निकुञ्जले भन्दा पनि आफूहरुलाई संरक्षण प्रति चिन्ता र दायित्वबोध हुने गरेको भन्दै सबैलाई संरक्षणमा जुट्न आग्रह गर्नुभयो । निकुञ्जका प्रमुख संरक्षण अधिकृत वेदकुमार ढकालले समय परिस्थिति बदलिएको भन्दै जिम्मेवार रुपमा सबै एक भएर संरक्षणमा लाग्नुपर्ने बताउनुभयो ।
उहाँले पूर्वकर्मचारी र सुरक्षाकर्मीको भूमिका महत्वपूर्ण हुने भन्दै अनुभव आदान प्रदानका लागि आग्रह गर्नुभयो । निकुञ्ज सुरक्षार्थ खटिएको वटुकदल गणका गणपति समुन्द्र थापाले भूपुहरु संरक्षणको आँखा र कान भएको भन्दै संरक्षणमा सहयोगको आह्वान गर्नुभयो । निकुञ्ज प्रशासन र सेनाको विभिन्न पद र गणमा रहेर काम गरेका १५० जना पूर्वकर्मचारी र सुरक्षाकर्मी कार्यक्रममा सहभागी थिए । रासस
चितवन । चितवन राष्ट्रिय निकुञ्ज प्रशासन र सुरक्षार्थ खटिएको सेनामा रहेर कामको अनुभव वटुलेका पूर्वकर्मचारी र सुरक्षाकर्मीले वन तथा वन्यजन्तु संरक्षणको दायित्व आफूहरुमा पनि रहेको बताएका छन् ।
निकुञ्जले मुख्य कार्यालय कसरामा बिहीबार आयोजना गरेको अन्तरक्रिया कार्यक्रममा उनीहरुले अवकाश प्राप्त जीवनमा आफूहरुको ज्ञान, सीप र अनुभवको उपयोग गरी संरक्षणमा जुट्न बहालवाला कर्मचारी र सुरक्षा निकायलाई आग्रह गरेका थिए ।
वर्षातको समयमा चोरी शिकारी हुन सक्ने भन्दै पूर्वकर्मचारीसँग निकुञ्जले अन्तरक्रिया गरेको हो । सो अवसरमा निकुञ्जका पूर्वप्रमुख संरक्षण अधिकृत रामप्रित यादवले संरक्षण जीवनसँग सम्बन्धित रहेको भन्दै संरक्षण बिना अस्तित्व सम्भव नरहेको बताउनु्भयो । उहाँले पूर्वकर्मचारी र सुरक्षाकर्मीको भूमिका संरक्षणमा महत्वपूर्ण हुने बताउनुभयो ।
भूपु सैनिक संरक्षण सञ्जालका संयोजक पूर्वसेनानी शेरबहादुर घर्ती मगरले निकुञ्जले भन्दा पनि आफूहरुलाई संरक्षण प्रति चिन्ता र दायित्वबोध हुने गरेको भन्दै सबैलाई संरक्षणमा जुट्न आग्रह गर्नुभयो । निकुञ्जका प्रमुख संरक्षण अधिकृत वेदकुमार ढकालले समय परिस्थिति बदलिएको भन्दै जिम्मेवार रुपमा सबै एक भएर संरक्षणमा लाग्नुपर्ने बताउनुभयो ।
उहाँले पूर्वकर्मचारी र सुरक्षाकर्मीको भूमिका महत्वपूर्ण हुने भन्दै अनुभव आदान प्रदानका लागि आग्रह गर्नुभयो । निकुञ्ज सुरक्षार्थ खटिएको वटुकदल गणका गणपति समुन्द्र थापाले भूपुहरु संरक्षणको आँखा र कान भएको भन्दै संरक्षणमा सहयोगको आह्वान गर्नुभयो । निकुञ्ज प्रशासन र सेनाको विभिन्न पद र गणमा रहेर काम गरेका १५० जना पूर्वकर्मचारी र सुरक्षाकर्मी कार्यक्रममा सहभागी थिए । रासस