नेकपा प्रचण्ड-नेपाल समूहले संसद पुनर्स्थापनाको खुशीयालीमा आज चितवनमा बिजयी सभा गर्दै

चितवन, १२ फागुन । नेपाल कम्युनिष्ट पार्टी (नेकपा) प्रचण्ड-नेपाल समूहले संसद पुनर्स्थापनाको खुशीयालीमा आज (बुधबार) चितवनमा बिजयी सभा गर्दै छ । नेकपा प्रचण्ड-नेपाल समूहको आयोजनामा भरतपुरमा बिजयी सभा हुन लागेको हो ।

कार्यक्रम केन्द्रीय बस टर्मिनल भरतपुरमा हुनेछ । यस अघि विरोध सभा आयोजना गरिएको भए पनि मंगलबार साँझ सर्वोच्च अदालतले संसद पुनर्स्थापना गरेपछि सोही कार्यक्रमलाई बिजयी सभाको रुपमा मनाउने निर्णय भएको हो ।

कार्यक्रम मध्यान्ह १२ बजे शुरु हुनेछ । त्यसअघि बिभिन्न स्थानबाट बिजयी जुलुस निकालिने नेकपा प्रचण्ड नेपाल समूह चितवनले जनाएको छ।