प्रधानमन्त्री केपी शर्मा ओली आज सोमवार कञ्चनपुर जादै

कञ्चनपुर,१० फागुन ।  प्रधानमन्त्री केपी शर्मा ओली आज सोमवार कञ्चनपुर आउँदैछन् । कञ्चनपुरको बेदकोट नगरपालिकास्थित दैजीछेला औद्योगिक क्षेत्रको शिलान्यास गर्न ओली कञ्चनपुर आउन लागेका हुन् ।

प्रधानमन्त्री आउने भएपछि छेला क्षेत्रमै आमसभा समेत आयोजना गरिएको छ । सोमवार दिउँसो १२ बजे आमसभा कार्यक्रम हुने नेकपा ओली समूहका केन्द्रीय सदस्य पल्लबराज भट्टले जानकारी दिए ।

विगत २ दशकदेखि चर्चामा रहेपनि वन क्षेत्रको भोगाधिकार प्राप्त नहुँदा दैजीछेला औद्योगिक क्षेत्र स्थापनामा ढिलाइ हुँदै आएको आएको छ ।सरकारले ६ वटा ठूला औद्योगिक क्षेत्रको निर्माण कार्य अगाडि बढाउने जनाएको छ । कञ्चनपुरको दैजीछेला, बाँकेको नौबस्ता, रुपन्देहीको मोतीपुर, मकवानपुरको मयूरधाप, चितवनको शक्तिखोर र झापाको दमकमा ठूला औद्योगिक क्षेत्र निर्माण हुने जनाइएको छ ।