अयोध्यापुरी राम जन्मभूमि भएको प्रमाणित गरेर देखाउन प्रचण्डको चुनौती
न्युजभित्तो/४ फाल्गुन २०७७, मंगलवार १२:५१
चितवन, ४ फागुन । नेपाल कम्युनिष्ट पार्टी (नेकपा) प्रचण्ड–माधव समूहका अध्यक्ष पुष्पकमल दाहाल ‘प्रचण्ड’ले माडीमा अयोध्या र रामको जन्मभूमि भएको प्रमाणित गर्न चुनौती दिनुभएको छ । उहाँले भरतपुरमा निर्माण भईरहेको सिटीहलको निरीक्षणपछि आफूलाई सिध्याउन राम जन्मभूमिका अभियान चलाईएको आरोप लगाउनुभएको हो ।
उहाँले भन्नुभयो “प्रचण्ड सिध्याउनका लागि त्यो अभियान चलाईएको हो ।” उहाँले अगाडि थप्नुभयो “पुरातात्विक अन्वेषणबाट यो प्रमाणित भएमा सबैभन्दा खुशी आफै हुन्छ ।”
फरक प्रसंगमा उहाँले निर्वाचन आयोगले सूर्य चुनाव चिन्ह फ्रिज नगर्ने बताउनु भयो । उहाँले भन्नुभयो “चुनाव चिन्ह फ्रिज गर्न मिल्दैन ।” निर्वाचन आयोग आफैले नेकपाको ४४१ जना केन्द्रीय सदस्य भनिसकेकाले त्यसको बहुमतलाई मान्यता दिने उहाँले बताउनुभयो । उहाँले भन्नुभयो “निर्वाचन आयोग कसैको गोटी हुनुहुँदैन भन्ने मलाई लाग्छ ।” बहुमतलाई नै मान्यता दिनेमा आफूहरु विश्वस्त रहेको उहाँको भनाई थियो ।
अहिलेको सरकारले निर्वाचन नगराउने बताउँदै उहाँले असंवैधानिक र अलोतान्त्रिक ढंगले चुनाव गराए देश अराजकताको भूमरीमा फस्ने र अतिवाद फैलिने दावी गर्नुभयो । उहाँले भन्नुभयो “संविधान भत्काएर हुने चुनाव अलोतान्त्रिक, असंवैधानिक हुने भएकाले त्यसले विभिन्न खालका अतिवाद ल्याउँछ ।”
आफू शान्तिपूर्ण राजनीतिमा रहने कुरा पक्का भएको उहाँले प्रष्ट्याउनुभयो । संसद पुनःस्थापना हुनेमा आफूहरु पूर्ण विश्वस्त रहेको उहाँको भनाई थियो । अदालतले संसद पुनःस्थापना गरे प्रधानमन्त्रीमा आफ्नो दावी नरहने बताउँदै अध्यक्ष दाहालले भन्नुभयो “प्रतिपक्षीको मागलाई प्राथमिकतामा राखिन्छ ।” छिट्टै संयुक्त आन्दोलन हुनेमा आफू विश्वस्त रहेको बताउँदै दाहालले भन्नुभयो “शेरबहादरजीसँग कुरा गरेँ, संयुक्त आन्दोलन शुरु गरौं, केहीदिनमा नै फाईनल हुन्छ, टुंगिन्छ भनेको छु ।” कांग्रेसकै नेता रामचन्द्र पौडेल र जसपाका नेताहरुसँग पनि संयुक्त आन्दोलनको विषयमा कुराकानी भएको उहाँले बताउनुभयो ।
संसद विघटनको विरोधमा केपी ओली पक्षका ९० प्रतिशत सांसदसमेत रहेको अध्यक्ष दाहालले दाबी गर्नुभयो । उहाँले भन्नुभयो “केपीजीसँग भएका ९० प्रतिशत सांसद विघटनको विरुद्धमा छन् भन्ने मेरो जानकारीमा छ, गुटमा भएकाले बोल्न केही समस्या भएको हो ।” उहाँले अगाडि थप्नुभयो “कतिपयले मसँग त्यस विषयमा गुनासो गरिरहेका छन् । बाँकी रहेको दुई वर्षे कार्यकाल त्यसै गुमाउन उहाँहरुले पनि चाहनुभएको छैन ।”
चितवन, ४ फागुन । नेपाल कम्युनिष्ट पार्टी (नेकपा) प्रचण्ड–माधव समूहका अध्यक्ष पुष्पकमल दाहाल ‘प्रचण्ड’ले माडीमा अयोध्या र रामको जन्मभूमि भएको प्रमाणित गर्न चुनौती दिनुभएको छ । उहाँले भरतपुरमा निर्माण भईरहेको सिटीहलको निरीक्षणपछि आफूलाई सिध्याउन राम जन्मभूमिका अभियान चलाईएको आरोप लगाउनुभएको हो ।
उहाँले भन्नुभयो “प्रचण्ड सिध्याउनका लागि त्यो अभियान चलाईएको हो ।” उहाँले अगाडि थप्नुभयो “पुरातात्विक अन्वेषणबाट यो प्रमाणित भएमा सबैभन्दा खुशी आफै हुन्छ ।”
फरक प्रसंगमा उहाँले निर्वाचन आयोगले सूर्य चुनाव चिन्ह फ्रिज नगर्ने बताउनु भयो । उहाँले भन्नुभयो “चुनाव चिन्ह फ्रिज गर्न मिल्दैन ।” निर्वाचन आयोग आफैले नेकपाको ४४१ जना केन्द्रीय सदस्य भनिसकेकाले त्यसको बहुमतलाई मान्यता दिने उहाँले बताउनुभयो । उहाँले भन्नुभयो “निर्वाचन आयोग कसैको गोटी हुनुहुँदैन भन्ने मलाई लाग्छ ।” बहुमतलाई नै मान्यता दिनेमा आफूहरु विश्वस्त रहेको उहाँको भनाई थियो ।
अहिलेको सरकारले निर्वाचन नगराउने बताउँदै उहाँले असंवैधानिक र अलोतान्त्रिक ढंगले चुनाव गराए देश अराजकताको भूमरीमा फस्ने र अतिवाद फैलिने दावी गर्नुभयो । उहाँले भन्नुभयो “संविधान भत्काएर हुने चुनाव अलोतान्त्रिक, असंवैधानिक हुने भएकाले त्यसले विभिन्न खालका अतिवाद ल्याउँछ ।”
आफू शान्तिपूर्ण राजनीतिमा रहने कुरा पक्का भएको उहाँले प्रष्ट्याउनुभयो । संसद पुनःस्थापना हुनेमा आफूहरु पूर्ण विश्वस्त रहेको उहाँको भनाई थियो । अदालतले संसद पुनःस्थापना गरे प्रधानमन्त्रीमा आफ्नो दावी नरहने बताउँदै अध्यक्ष दाहालले भन्नुभयो “प्रतिपक्षीको मागलाई प्राथमिकतामा राखिन्छ ।” छिट्टै संयुक्त आन्दोलन हुनेमा आफू विश्वस्त रहेको बताउँदै दाहालले भन्नुभयो “शेरबहादरजीसँग कुरा गरेँ, संयुक्त आन्दोलन शुरु गरौं, केहीदिनमा नै फाईनल हुन्छ, टुंगिन्छ भनेको छु ।” कांग्रेसकै नेता रामचन्द्र पौडेल र जसपाका नेताहरुसँग पनि संयुक्त आन्दोलनको विषयमा कुराकानी भएको उहाँले बताउनुभयो ।
संसद विघटनको विरोधमा केपी ओली पक्षका ९० प्रतिशत सांसदसमेत रहेको अध्यक्ष दाहालले दाबी गर्नुभयो । उहाँले भन्नुभयो “केपीजीसँग भएका ९० प्रतिशत सांसद विघटनको विरुद्धमा छन् भन्ने मेरो जानकारीमा छ, गुटमा भएकाले बोल्न केही समस्या भएको हो ।” उहाँले अगाडि थप्नुभयो “कतिपयले मसँग त्यस विषयमा गुनासो गरिरहेका छन् । बाँकी रहेको दुई वर्षे कार्यकाल त्यसै गुमाउन उहाँहरुले पनि चाहनुभएको छैन ।”