रामनगर पुष्पवाटिकामा भागरथी भट्टको न्यायको माग गर्दै प्रर्दशन

चितवन, ३० माघ । बलात्कारपछि हत्या गरिएकी बैतडीको दोगडाकेदार गाउँपालिका ७ चडेपानीकी १७ वर्षीया भागरथी भट्टको न्यायको माग गर्दै रामनगर पुष्पवाटिकामा प्रदर्शन गरिएको छ । भरतपुरको रामनगरमा रामनगर पुष्पवाटिका एवंम युवाहरुको समूहले भागिराथीको न्यायको माग गर्दै दिप प्रज्जवलन तथा प्रर्दशन गरेका हुन्।

उनीहरुले ‘भागरथीलाई न्याय दे’, ‘गृहमन्त्री के हेर्दै, बलात्कारी देश घेर्दै’ ‘नारी सामान होइन सम्मान हो ’ लगायतका नारा लगाउँर्दै पोष्टर प्रर्दशन पनि गरेका हुन् ।

उक्त प्रदर्शन कार्यक्रममा रामनगर बजार व्यवस्थापन समितीको अध्यक्ष तारानाथ कुँवर लगायत स्थानीयको सहित सहभागीता रहेको कार्यक्रम संयोजक दिवाकर भट्टराईले जानकारी दिनुभयो।