रङ्गशालाको बार भत्काएको आरोपमा पक्राउ पर्ने प्रकाश कँडेल को हुन् ?
/१६ जेष्ठ २०७६, बिहीबार ११:५९
चितवन । गौतमबुद्ध अन्तर्राष्ट्रिय क्रिकेट रङ्गशालाको पश्चिमतर्फ लगाइएको जस्ताको बार भत्काएको आरोपमा प्रहरीले नेकपाका स्थानीय नेताहरु प्रकाश कँडेल र भैरब बस्ताकोटीलगायत १७ जनालाई पक्राउ गरेको छ ।
कँडेल तत्कालीन माओवादी केन्द्रका १६ नम्वर इन्चार्ज थिए भने बस्ताकोटी तत्कालीन माओवादी केन्द्रकै १९ नम्वर इन्चार्ज थिए । कँडेल तत्कालीन माओवादी केन्द्र सम्वद्ध अखिल क्रान्तिकारीका केन्द्रीय सचिव पनि भएका थिए ।
प्रहरीले कँडेललाई हिजो राति १० बजे पक्राउ गरेको हो । अन्य १६ जना भने हिजो दिउँसो नै पक्राउ परेका थिए । उनीहरुलाई जिल्ला प्रहरी कार्यालय, चितवनमा राखिएको छ ।
प्रकाश कँडेल र भैरब बस्ताकोटी उक्त क्षेत्रमा तत्कालीन माओवादी केन्द्र र हालको नेकपाका प्रभावशाली युवा नेता मानिन्छन् । गएको निर्वाचनमा भरतपुर महानगर प्रमुखमा रेनु दाहाललाई चुनाव जिताउन उनीहरुले ठूलो गुन लगाएका थिए । स्रोत भन्छ– ‘कँडेल र बस्ताकोटीले महानगर प्रमुख दाहाललाई चुनाव जिताउन ठूलो गुन लगाएका छन्, त्यसैले उनीहरुमाथि कारवाही होला कि नहोला या के कारवाही होला भन्ने चाहिँ उत्सुकताको विषय छ ।’
यसैबीच, गौतमबुद्ध अन्तर्राष्ट्रिय क्रिकेट रङ्गशाला निर्माण कार्यको संयोजन गरिरहेको धुर्मुस–सुन्तली फाउण्डेसनका अध्यक्ष सीताराम कट्टेलले विज्ञप्ति प्रकाशित गरि रङ्गशाला निर्माणको काम स्थगित गरिएको जनाएका छन् । कामदार, कर्मचारीको जिउ ज्यान र भौतिक सम्पतिको सुरक्षाको विषयमा खतरा र गम्भीर परिस्थिति उत्पन्न भएकोले यसको स्थायी समाधान र काम गर्ने वातावरण नभएसम्म परियोजनाको काम स्थगित गरिएको उनले जनाएका छन् ।
चितवन । गौतमबुद्ध अन्तर्राष्ट्रिय क्रिकेट रङ्गशालाको पश्चिमतर्फ लगाइएको जस्ताको बार भत्काएको आरोपमा प्रहरीले नेकपाका स्थानीय नेताहरु प्रकाश कँडेल र भैरब बस्ताकोटीलगायत १७ जनालाई पक्राउ गरेको छ ।
कँडेल तत्कालीन माओवादी केन्द्रका १६ नम्वर इन्चार्ज थिए भने बस्ताकोटी तत्कालीन माओवादी केन्द्रकै १९ नम्वर इन्चार्ज थिए । कँडेल तत्कालीन माओवादी केन्द्र सम्वद्ध अखिल क्रान्तिकारीका केन्द्रीय सचिव पनि भएका थिए ।
प्रहरीले कँडेललाई हिजो राति १० बजे पक्राउ गरेको हो । अन्य १६ जना भने हिजो दिउँसो नै पक्राउ परेका थिए । उनीहरुलाई जिल्ला प्रहरी कार्यालय, चितवनमा राखिएको छ ।
प्रकाश कँडेल र भैरब बस्ताकोटी उक्त क्षेत्रमा तत्कालीन माओवादी केन्द्र र हालको नेकपाका प्रभावशाली युवा नेता मानिन्छन् । गएको निर्वाचनमा भरतपुर महानगर प्रमुखमा रेनु दाहाललाई चुनाव जिताउन उनीहरुले ठूलो गुन लगाएका थिए । स्रोत भन्छ– ‘कँडेल र बस्ताकोटीले महानगर प्रमुख दाहाललाई चुनाव जिताउन ठूलो गुन लगाएका छन्, त्यसैले उनीहरुमाथि कारवाही होला कि नहोला या के कारवाही होला भन्ने चाहिँ उत्सुकताको विषय छ ।’
यसैबीच, गौतमबुद्ध अन्तर्राष्ट्रिय क्रिकेट रङ्गशाला निर्माण कार्यको संयोजन गरिरहेको धुर्मुस–सुन्तली फाउण्डेसनका अध्यक्ष सीताराम कट्टेलले विज्ञप्ति प्रकाशित गरि रङ्गशाला निर्माणको काम स्थगित गरिएको जनाएका छन् । कामदार, कर्मचारीको जिउ ज्यान र भौतिक सम्पतिको सुरक्षाको विषयमा खतरा र गम्भीर परिस्थिति उत्पन्न भएकोले यसको स्थायी समाधान र काम गर्ने वातावरण नभएसम्म परियोजनाको काम स्थगित गरिएको उनले जनाएका छन् ।