अर्थमन्त्री डा. खतिवडा संघीय संसदमा बजेट प्रस्तुत गर्दै (लाइभ)

काठमाडौँ । अर्थमन्त्री डा. युवराज खतिवडाले संघीय संसदमा आर्थिक वर्ष २०७६/७७ को बजेट पेस गर्न शुरु गर्नुभएको छ । नेपालको संविधानमा नै हरेक वर्षको जेठ १५ गते अर्थात गणतन्त्र दिवसको दिन बजेट प्रस्तुत गर्ने व्यवस्था छ ।

संघीय संसद्को अपराह्न ४ बजे शुरु भएको संयुक्त बैठकमा अर्थमन्त्री डा युवराज खतिवडाले आर्थिक वर्ष २०७६/७७ को बजेट पेस गर्न शुरु भएको हो । करीब रु १५ खर्ब बराबरको बजेट ल्याउन राष्ट्रिय योजना आयोगले अर्थ मन्त्रालयलाई सीमा तोकेको छ ।

संघीय संसदको संयुक्त बैठकमा सभामुख कृष्णबहादुर महराले अनुमति दिएपछि अर्थमन्त्री डा. खतिवडाले बजेट प्रस्तुत गर्न शुरु गर्नुभएको हो । बैठकमा प्रधानमन्त्री केपी शर्मा ओली, प्रमुख प्रतिपक्षि दलका नेता शेरबहादुर देउवालगायत साँसदहरुको उपस्थिति रहेको छ ।