चितवन । चितवनको कालिका नगरपालिका वडा नम्वर–१, लङ्कालाइनमा गएराति एक जनाको हत्या भएको छ । ४७ वर्षीय कुमार सिंह श्रेष्ठको आफ्नै घरमा सुतेको अवस्थामा हत्या भएको हो । उनको ओछ्यानमै हत्या गरिएको अवस्थामा शव भेटिएको छ ।
कालिकाबाट पत्रकार शिशिर सिंखडाले दिनुभएको जानकारी अनुसार मृतक कुमारका छोरा सुमन श्रेष्ठले आफ्ना बुबाको हत्या गरेर ५ तोलाको सिक्री र ३ तोलाको औंठी लुटिएको बताउनुभएको छ । सुमनले बिहान ६ बजे बुबा नउठेपछि ढोका खोल्दा बुबालाई मृत अवस्थामा भेटिएको बताउनुभयो । प्रारम्भिक अनुसन्धानमा मृतकको शरीरमा कुनै ठूलो चोट वा रगत बगेको देखिएको छैन ।
घटनापछि आज बिहानै प्रहरी टोली घटनास्थलमा पुगेर अनुसन्धान शुरु गरेको छ । इलाका प्रहरी कार्यालय, रत्ननगरका प्रहरी नायव उपरीक्षक सन्तोष आचार्यले घटनाको अनुसन्धान भइरहेको जानकारी दिनुभएको छ ।
घटनाको प्रकृति हेर्दा लुटेराले श्रेष्ठको हत्या गरेर उनले लगाएको सुनको सिक्रि र औँठी लुटेर भागेको अनुमान गरिएको छ ।
मृतक श्रेष्ठ सुतेको कोठामा इटाका टुक्राहरु भेटिएको छ भने उनको मोबाइल र सिरानी भुइँमा खसेको पाइएको छ । विहान घरको अगाडिको ढोका बन्द रहेको र पछाडिको ढोका खुल्लै रहेको मृतकका छोरा सुमनले बताउनुभयो । सुमनले आफुहरु सधैँ घरको माथिल्लो तलामा र बुबा भुइँ तलामा सुत्ने गरेको पनि बताउनुभयो ।
मृतक कुमारको परिवारका अनुसार उनी बेलुकी ८ बजेतिर घर बाहिर निस्केका थिए भने उनीसँग साढे ८ बजेसम्म फोनमा कुरा भएको थियो । उनी आउन ढिला हुने भएपछि घरका सबै ढोकाहरु बन्द गरी अगाडिको ढोका ढप्काएर मात्र छोडिएको थियो ।
घटनास्थलमा स्थानीयको भीड लागेको छ । उनीहरुले घटनाको अनुसन्धान गरी हत्यारालाई उम्कन नदिन माग गरेका छन् ।
चितवन । चितवनको कालिका नगरपालिका वडा नम्वर–१, लङ्कालाइनमा गएराति एक जनाको हत्या भएको छ । ४७ वर्षीय कुमार सिंह श्रेष्ठको आफ्नै घरमा सुतेको अवस्थामा हत्या भएको हो । उनको ओछ्यानमै हत्या गरिएको अवस्थामा शव भेटिएको छ ।
कालिकाबाट पत्रकार शिशिर सिंखडाले दिनुभएको जानकारी अनुसार मृतक कुमारका छोरा सुमन श्रेष्ठले आफ्ना बुबाको हत्या गरेर ५ तोलाको सिक्री र ३ तोलाको औंठी लुटिएको बताउनुभएको छ । सुमनले बिहान ६ बजे बुबा नउठेपछि ढोका खोल्दा बुबालाई मृत अवस्थामा भेटिएको बताउनुभयो । प्रारम्भिक अनुसन्धानमा मृतकको शरीरमा कुनै ठूलो चोट वा रगत बगेको देखिएको छैन ।
घटनापछि आज बिहानै प्रहरी टोली घटनास्थलमा पुगेर अनुसन्धान शुरु गरेको छ । इलाका प्रहरी कार्यालय, रत्ननगरका प्रहरी नायव उपरीक्षक सन्तोष आचार्यले घटनाको अनुसन्धान भइरहेको जानकारी दिनुभएको छ ।
घटनाको प्रकृति हेर्दा लुटेराले श्रेष्ठको हत्या गरेर उनले लगाएको सुनको सिक्रि र औँठी लुटेर भागेको अनुमान गरिएको छ ।
मृतक श्रेष्ठ सुतेको कोठामा इटाका टुक्राहरु भेटिएको छ भने उनको मोबाइल र सिरानी भुइँमा खसेको पाइएको छ । विहान घरको अगाडिको ढोका बन्द रहेको र पछाडिको ढोका खुल्लै रहेको मृतकका छोरा सुमनले बताउनुभयो । सुमनले आफुहरु सधैँ घरको माथिल्लो तलामा र बुबा भुइँ तलामा सुत्ने गरेको पनि बताउनुभयो ।
मृतक कुमारको परिवारका अनुसार उनी बेलुकी ८ बजेतिर घर बाहिर निस्केका थिए भने उनीसँग साढे ८ बजेसम्म फोनमा कुरा भएको थियो । उनी आउन ढिला हुने भएपछि घरका सबै ढोकाहरु बन्द गरी अगाडिको ढोका ढप्काएर मात्र छोडिएको थियो ।
घटनास्थलमा स्थानीयको भीड लागेको छ । उनीहरुले घटनाको अनुसन्धान गरी हत्यारालाई उम्कन नदिन माग गरेका छन् ।