प्रदेश ३ मा चितवनलाई सबैभन्दा धेरै बजेट आउँछ : मन्त्री ढुङ्गेल
/५ जेष्ठ २०७६, आईतवार १७:४६
चितवन । प्रदेश ३ का आर्थिक मामिला तथा योजना मन्त्री कैलाश ढुंगेलले चितवनलाई पर्यटकीय गन्तव्यको रुपमा विकास गर्दै अगाडि बढाउने बताउनुभएको छ ।
प्रदेश नम्बर ३ को विकासका लागि अन्य जिल्लालाई भन्दा चितवनलाई धेरै बजेट विनियोजन गर्ने उल्लेख गर्दै ढुंगेलले मदन भण्डारीको शव भेटिएको चितवन ऐतिहासिक भूमि भएको बताउनुभयो । मदन भण्डारीको शव भेटिएको ठाउँ भरतपुर १७ गाँजीपुरमा आज आयोजित श्रद्धाञ्जलि तथा निशुल्क स्वास्थ्य शिविर कार्यक्रममा मन्त्री ढुंगेलले चितवनलाई पर्यटकीय गन्तव्यको रुपमा विकास गर्ने बताउनुभयो ।
ऐतिहासिक भूमि, धार्मिक तथा पर्यटकीय गन्तव्य बोकेको यस जिल्लालाई प्रदेश सरकारले ‘चितवनको गौरव, प्रदेश ३ को सौरभ’ भनेर अगाडि बढिएको ढुंगेलको भनाइ छ ।
विसं. २०५० जेठ ३ गते चितवनको दासढुंगामा रहश्यमयी कार दुर्घटनामा मृत्यु भएका जननेता मदन भण्डारीको शव जेठ ५ गते गाँजीपुरमा भेटिएको थियो । त्यसै दिनको स्मरण गर्दै आयोजना गरिएको कार्यक्रममा प्रदेशसभा सदस्य तथा नेकपाका नेताहरुले दासढुंगादेखि गाँजीपुरसम्मको विकासका लागि स्थानीय, प्रदेश र संघीय सरकारले विशेष योजना ल्याउनुपर्ने बताएका छन् ।
कार्यक्रममा नेपाल कम्युनिष्ट पार्टी (नेकपा)का केन्द्रीय सदस्य देवी ज्ञवाली, प्रदेशसभा सदस्यद्वय विजय सुवेदी तथा कृष्णप्रसाद भूर्तेल, नेकपाका स्थानीय नेता पिताम्बर पोखरेललगायतले मन्तव्य राख्नुभएको थियो । मदन भण्डारी स्मृति पार्क समिति गाँजीपुरका अध्यक्ष गौरेश तामाङको अध्यक्षतामा भएको कार्यक्रममा मदन भण्डारी फाउण्डेशन चितवनका अध्यक्ष डाक्टर तिलचन्द्र भट्टराईले स्वागत मन्तव्य राख्नुभएको थियो ।
२६औँ मदन आश्रित स्मृति दिवसको अवसरमा मदन भण्डारी फाउन्डेशन चितवन, मदन भण्डारी स्मृति पार्क समिति गाँजीपुर तथा चितवन मोडल हस्पिटल भरतपुरको आयोजनामा श्रद्धाञ्जलि तथा निःशुल्क स्वास्थ्य शिविर कार्यक्रम गरिएको हो । कार्यक्रममा मोडल हस्पिटलका वरिष्ठ कन्सल्टेन्ट एवम् हाडजोर्नी तथा स्पाइन रोड विशेष डाक्टर निराजन सुवेदी, फिजिसियन डाक्टर प्रमोदकुमार दासलगायत ६ जना स्वास्थ्यकर्मीहरुले बिरामीको स्वास्थ्य परीक्षण गर्नुभएको थियो ।
सो शिविरमा हाडजोर्नी, नशा, वाथ रोग, स्पाइन चेकजाँचका साथै जनरल स्वास्थ्य चेकजाँच गरिएको थियो । शिविरमा स्त्री रोग सम्बन्धी चेकजाँच समेत गरिएको थियो । निशुल्क सुगर परीक्षण र मानसिक रोगीलाई परामर्श समेत प्रदान गरिएको डाक्टर निराजन सुवेदीले जानकारी दिनुभयो । कार्यक्रममा वीपी कोइराला मेमोरियल क्यान्सर अस्पतालकी वरिष्ठ नर्स अयोध्या पाठकले महिलाहरुलाई पाठेघर र स्तन क्यान्सरको बारेमा जानकारी गराउनुभएको थियो ।
चितवन । प्रदेश ३ का आर्थिक मामिला तथा योजना मन्त्री कैलाश ढुंगेलले चितवनलाई पर्यटकीय गन्तव्यको रुपमा विकास गर्दै अगाडि बढाउने बताउनुभएको छ ।
प्रदेश नम्बर ३ को विकासका लागि अन्य जिल्लालाई भन्दा चितवनलाई धेरै बजेट विनियोजन गर्ने उल्लेख गर्दै ढुंगेलले मदन भण्डारीको शव भेटिएको चितवन ऐतिहासिक भूमि भएको बताउनुभयो । मदन भण्डारीको शव भेटिएको ठाउँ भरतपुर १७ गाँजीपुरमा आज आयोजित श्रद्धाञ्जलि तथा निशुल्क स्वास्थ्य शिविर कार्यक्रममा मन्त्री ढुंगेलले चितवनलाई पर्यटकीय गन्तव्यको रुपमा विकास गर्ने बताउनुभयो ।
ऐतिहासिक भूमि, धार्मिक तथा पर्यटकीय गन्तव्य बोकेको यस जिल्लालाई प्रदेश सरकारले ‘चितवनको गौरव, प्रदेश ३ को सौरभ’ भनेर अगाडि बढिएको ढुंगेलको भनाइ छ ।
विसं. २०५० जेठ ३ गते चितवनको दासढुंगामा रहश्यमयी कार दुर्घटनामा मृत्यु भएका जननेता मदन भण्डारीको शव जेठ ५ गते गाँजीपुरमा भेटिएको थियो । त्यसै दिनको स्मरण गर्दै आयोजना गरिएको कार्यक्रममा प्रदेशसभा सदस्य तथा नेकपाका नेताहरुले दासढुंगादेखि गाँजीपुरसम्मको विकासका लागि स्थानीय, प्रदेश र संघीय सरकारले विशेष योजना ल्याउनुपर्ने बताएका छन् ।
कार्यक्रममा नेपाल कम्युनिष्ट पार्टी (नेकपा)का केन्द्रीय सदस्य देवी ज्ञवाली, प्रदेशसभा सदस्यद्वय विजय सुवेदी तथा कृष्णप्रसाद भूर्तेल, नेकपाका स्थानीय नेता पिताम्बर पोखरेललगायतले मन्तव्य राख्नुभएको थियो । मदन भण्डारी स्मृति पार्क समिति गाँजीपुरका अध्यक्ष गौरेश तामाङको अध्यक्षतामा भएको कार्यक्रममा मदन भण्डारी फाउण्डेशन चितवनका अध्यक्ष डाक्टर तिलचन्द्र भट्टराईले स्वागत मन्तव्य राख्नुभएको थियो ।
२६औँ मदन आश्रित स्मृति दिवसको अवसरमा मदन भण्डारी फाउन्डेशन चितवन, मदन भण्डारी स्मृति पार्क समिति गाँजीपुर तथा चितवन मोडल हस्पिटल भरतपुरको आयोजनामा श्रद्धाञ्जलि तथा निःशुल्क स्वास्थ्य शिविर कार्यक्रम गरिएको हो । कार्यक्रममा मोडल हस्पिटलका वरिष्ठ कन्सल्टेन्ट एवम् हाडजोर्नी तथा स्पाइन रोड विशेष डाक्टर निराजन सुवेदी, फिजिसियन डाक्टर प्रमोदकुमार दासलगायत ६ जना स्वास्थ्यकर्मीहरुले बिरामीको स्वास्थ्य परीक्षण गर्नुभएको थियो ।
सो शिविरमा हाडजोर्नी, नशा, वाथ रोग, स्पाइन चेकजाँचका साथै जनरल स्वास्थ्य चेकजाँच गरिएको थियो । शिविरमा स्त्री रोग सम्बन्धी चेकजाँच समेत गरिएको थियो । निशुल्क सुगर परीक्षण र मानसिक रोगीलाई परामर्श समेत प्रदान गरिएको डाक्टर निराजन सुवेदीले जानकारी दिनुभयो । कार्यक्रममा वीपी कोइराला मेमोरियल क्यान्सर अस्पतालकी वरिष्ठ नर्स अयोध्या पाठकले महिलाहरुलाई पाठेघर र स्तन क्यान्सरको बारेमा जानकारी गराउनुभएको थियो ।