चितवनमा ५९ जनामा कोरोना संक्रमण पुष्टि

चितवन । जिल्लामा बुधबार २८१ नमूना परीक्षण गर्दा ५९ जनामा कोरोना संक्रमण पुष्टि भएको छ । ३ वर्षीय बालकसहित थप ५९ जनामा कोरोना भाइरस संक्रमण पुष्टि भएको भरतपुर अस्पताल कोभिड–१९ प्रयोगशालाले जनाएको छ । यी मध्ये ५४ जना चितवनका र अन्य जिल्ला बाहिरका हुन् ।

संक्रमण पुष्टि हुनेमा सबैभन्दा धेरै भरतपुर महानगरपालिकाका ३० जना रहेका छन् । जसमध्ये ३ वर्षीय बालकसहित १९ जना पुरुष र ११ जना महिला रहेका छन् । यस्तै राप्ती नगरपालिकाका २ पुरुष र ५ महिलागरी ७ जना, खैरहनी नगरपालिकाका २ पुरुष र ३ महिला गरी पाँच जना, माडी नगरपालिकाका २ जना पुरुष, रत्ननगर नगरपालिकाका एक पुरुष र ४ महिला गरी पाँच जना र कालिका नगरपालिकाका ३ पुरुषमा संक्रमण पुष्टि भएको छ । यस्तै इच्छाकामना गाउँपालिकाका २ जनामा संक्रमण पुष्टि भएको छ ।

त्यसैगरी काठमाडौंका २ पुरुष, नवलपरासीको देवचुलीका १, तनहुँ र सर्लाहीका एक÷एक जनामा संक्रमण पुष्टि भएको प्रयोगशाला प्रमुख डा. नितु अधिकारीले जानकारी दिनुभयो ।