नारायणगढका ७० वर्षिय संक्रमितको भरतपुर अस्पतालमा मृत्यु

चितवन । भरतपुर अस्पतालमा उपचारत नारायणगढका ७० वर्षिय पुरुषको सोमबार साँझ मृत्यु भएको छ । भरतपुर महानगरपालिका वडा नं. ३ का ७० वर्षीय पुरुषको सोमबार साँझ ७ः१५ बजेको समयमा मृत्यु भएको हो ।

अस्पतालका सूचना अधिकारी लिलाधर पौडेलका अनुसार उपचारका लागि कोभिड आइसीयूमा आइपुग्दा ती पुरुष मृत अवस्थामा रहेका थिए । मृतकका आफन्तलाई उदृत गर्दै पौडेलका अनुसार ती पुरुषलाई ज्वरो, खोकी र श्वासप्रश्वासमा समस्या थियो भने मधुमेह र उच्च रक्तचापको समेत समस्या थियो । ती पुरुष चार दिन अघि कोरोना संक्रमण पुष्टि भइ होम आइसोलेसनमा बस्दै आइरहेका थिए ।