चितवनमा कोरोना संक्रमणबाट थप एक ५५ वर्षिय पुरुषको मृत्यु

चितवन । जिल्लामा थप एक जना कोरोना संक्रमितको मृत्यु भएको छ । चितवन मेडिकल कलेजमा उपचाररत जिल्लाको कालिका नगरपालिका वडा नं. ५ निवासी ५५ वर्षिय पुरुषको मृत्यु भएको हो ।

अस्पतालका निर्देशक प्रा.डा.दयाराम लम्सालका अनुसार भदौ २६ गते स्वासप्रश्वास तथा निमोनियाको समस्या भई अस्पताल भर्ना भएका उनको भदौ ३ गते कोरोना पुष्टि भएको थियो ।

उनको सघन उपचार कक्षमा राखी उपचार हुँदाहुँदै आईतबार बिहान ११ः४४ बजे मृत्यु भएको अस्पतालले जनाएको छ । उक्त अस्पतालमा हालसम्म १३ जना संक्रमितको मृत्यु भईसकेको छ । यो सँगै मृतकको संख्या १४ पुगेको छ ।