चितवनमा रौतहटकी संक्रमितको मृत्यु

चितवन । जिल्लाको चितवन मेडिकल कलेजमा उपचाररत रौतहटकी एक महिलाको शनिबार बिहान मृत्यु भएको छ । चितवन मेडिकल कलेजमा उपचाररत रौतहटको चपुर नगरपालिका वडा नं. ५ बस्ने ५१ वर्षकी महिलाको बिहान ६ बजे मृत्यु भएको अस्पतालले जनाएको छ ।

ती महिला भदौ २८ गते उपचारका लागि चितवन मेडिकल कलेजमा भर्ना भएकी थिइन् । उनमा भदौ २९ गते कोरोना संक्रमण पुष्टि भएको थियो । ती महिलामा उच्च रक्तचाप र थाइराइड सम्बन्धी समस्या थियो । उनी अस्पताल आएदेखि नै आइसीयूमा भर्ना भएकी थिइन् ।