नारायणगढ–मुग्लिन सडक खण्ड पटक पटक अवरुद्ध

चितवन । नारायणगढ–मुग्लिन सडक खण्ड सोमबारदेखि पटक पटक अवरुद्ध भएको छ । दुई वटा ट्रक एकआपसमा जुधेर अवरुद्ध भएको सडक खुलेपछि पुनः पहिरोले अवरुद्ध गरेको थियो । सोमबार रातीदेखि सडक पुनः अवरुद्ध बनेको छ । इच्छाकामना गाउँपालिका वडा नं. ६ स्थित चोर खोलामा सोमबार राती राती १०ः३० बजे पहिरो खसेपछि सडक अबरुद्ध बनेको हो ।

सोमबार दिउँसो सोही ठाँउमा गएको पहिरो पन्छाएर साँझ एकतर्फी सडक सञ्चालनमा ल्याइएको थियो । पुनः पहिरो खसेपछि दुइतर्फी नै सडक अबरुद्ध बनेको छ । मंगलबार बिहान पानी पहिरेकाले पहिरो पन्छाउने काम सुरु गर्न नसकिएको जिल्ला प्रहरी कार्यालय चितवनले जनाएको छ ।