दुई ट्रक एकआपसमा ठोक्किँदा चार घाईते

चितवन । ईच्छाकामना गाउँपालिका वडा नं. ५ स्थित नारायणगढ–मुग्लिन सडकखण्डमा सोमबार दुई ट्रक एकआपसमा ठोक्किँदा ४ जना घाइते भएका छन् । घाइतेमध्ये एक जनाको अवस्था गम्भीर रहेको जिल्ला प्रहरी कार्यालय चितवनले जनाएको छ ।

घटनापछि सडकसमेत दुईतर्फी अवरुद्ध भएकाले खुलाउने प्रयास भैरहेको प्रहरीले जनाएको छ । विपरीत दिशामा रहेका ट्रक खहरे पुल नजिक एक आपसमा ठोक्किएका हुन् ।

ना ६ ख २४२३ र ना ४ ख ८०११ नम्बरका दुवै ट्रकका चालकसहित ट्रकमा सवार ४ जना घाइते भएको जिल्ला प्रहरीले जनाएको छ । घाईतेहरुको कलेज अफ मेडिकल साईन्सेज शिक्षण अस्पताल (पुरानो मेडिकल कलेज) मा उपचार भईरहेको छ ।